Egaa 2:5 - Yálá laawoo hɛɓɛ (dc)

⁵ Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Yálá laawoo hɛɓɛ

⁵ Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Bible

⁵ yɛ̂ɛ berei ŋá ŋ́gono tèe la káyêei tãi ká kùla la Ize-lɔii sui. Ŋámɔ̂leŋ káa kákɔlɛ ma, káfe yào.’ ”

Egaa 2:5 Iomraidhean Croise

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Lɛɛ gbɔwɔ ɓa 19:4

‹Mɛ̨nii ŋą́ naa Eziptə ɓa, kaa kpinįi ka gaa, bələi ŋį́ ka kpəŋə la, Kuwɔ́ koon ɉu, gɛ́ pa a kaa bɔ́ pələ.

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Lɛɛ gbɔwɔ ɓa 24:3

Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Lɛɛ gbɔwɔ ɓa 34:10

Yai-Laa yɛ Moisə ɓa: «Gu kaa mįnɛ̨ həɠəi ə́ wɔ nuąi kəlee ɲɛ̨i ɓa, gáá pai mɛ̨nį kpɛa-kpɛa kɛi, yii ɲɔ̨nwɔ̨mąn hvo ta kɛ li yɛnɛ̨ɛ̨, lɔi ta hu. Ɛlɛɛ, nuą kpɔ ka kwɛlɛ, di kaa pai gbaɠala kaai, diɛ kɛ Yai-Laa kɛ kóló ɲɛ̨i mąą ɲɔwuɔ ɓə, a yai gáá pai gɛi yɛ́.

Lɛɛ gbɔwɔ ɓa 34:8

Moisə ə nɛɛmą ə pu nwungbəla, ə gwɛli hvilɛn.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Zakari 8:13

Mąą yələi tii, bələi lɔ ka kɛ la, a nɛ̨ŋɛ̨n naa hɛn lɔi lɔwai, kaai a Ɉuda nwɔ pɛlɛ́i mu nuą, da Israɛlə nwɔ pɛlɛ́i, bələ lɔ ɓə gáá pai ka ɓaloi la, gɛ́ lúwɔ́ too kaa. 'Ka hvo ɲɔw, 'ka ká lii kpələ!

Zakari 8:15

Kɛlaa yiihu kɛa, ŋą́ą́ gíli mąą hvalin. Ŋą́ą́ naa gwə́i, gɛ́: Gáá Ɉerusalɛmə, da Ɉuda di hon ɉi a nɛlɛɛ.

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 8:1

Yai-Laa yɛ Ɉosue ɓa: «Hvo ɲɔw, ə́ wɔ kɔ́kulááɠaai həɠə, ə́ li ə́ kɔ́ pɛlɛ Ai taa ɓa. Ə́ kaa gaai, ŋą́ą́ daai tii ɉu tɔɔmun, ɉu nuą da nwɔ lɔiɠaai kəlee tɛɛ ə́ pɔ.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.