Egaa 1:9 - Yálá laawoo hɛɓɛ (dc)

⁹ Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Yálá laawoo hɛɓɛ

⁹ Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Bible

⁹ “Ká sɛŋ támaa kɔ̀ri, kɛ́lɛ guro-té nɔ́ ƃé gáa káyêei. Tãi ká pâ la kápɛrɛ-ŋai mui, ŋa gélee fɛ̀ɛ. Ŋa gɛ̀ tí lé mɛni ma? Kpɛ́ni fêi, ŋápɛrɛi a wôloi, kákɛ kɔ̀ a gɛɛ ká kápɛrɛ-ŋai tɔ́ɔ.

Egaa 1:9 Iomraidhean Croise

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Samia Veerɛi 22:16

Yai-Laa tomą woo, da ɉunwɛi nɔ̨ɔ̨, a gboloyá həɠə naai, ɲa kɔ́w ɓa maa ə pɔ̨nɔ̨. Yɛ lɔi kɔ́wɔ hvilɛn ɉɛn maa pɔ̨nɔ̨.

Tɔɔɓɛlaa veelɛ 19:7

Gáá hvaai mą, dɔɔmun tii ə pənə ə li nwɔ lɔi hu, ɓɛlɔwai gaa pai wɛlɛɛ hɔlɔɓoi la, gaa pai haai gbɔ-kpɔɔ lɔi tii hu ɓɔwa laa pɔɔ.»

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Hanwon 11:24

Nuąi da mɛ̨inɛ̨ɛ̨ kɛ a lii nɛ̨ɛ̨ gwəilaa, di yeela a hvoloon, nuąi da di yee laa kpulu di yəi hɛn ma, diɛ too kanąn ɉu.

Hanwon 27:20

Ɲąmuątaa da kámą di hva pilɛ, bələ lɔ ɓə nu ɲɛ̨ikɔw hva pilɛ la.

Ikilisiati 1:8

Bələi yɛnɛ̨ɛ̨ hɛnŋąą kaa la kóló ɓa, nu hva pɛli gəlee hukulɔi. Ɲɛ̨ikɔw hvį hva kpɛɛ kɛɛ kaai, wəli hvįi hva kpɛɛ mɛ̨nį mąn ɉi.

Azaya 40:7

Kala tiliin a haa, bowa a yohva, ɓɛlɔwai Yai-Laa nwɔ hvaŋąi a tɛɛ la; bələ kpɔlɔ ɓə nu kanŋaa kɛ pələ kaa la.

Azaya 5:10

Tíi ə mąn kɛnɛ̨ daną daną, mɔ̨nun mɔlɔ hveelɛ hva hɔlɔɓo ɉu, kəgən ɉu pow mɔ̨nun ɉuwu yɛ kulɔ a kəgən ɉu tɔ̨nɔ̨.»

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Egaa 1:4

«Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.

M̀ɛni-lɛɛi 2:4

Kɛlaa, gwə́i hvo nɛ̨ɛ̨ li ə́ pɔ, nwɛlikɛmąą laa tɔlɔɔ kɛ ə́ yəi, yáá nɛɛ laa.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!