Egaa 1:4 - Yálá laawoo hɛɓɛ (dc)

⁴ «Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?

Yálá laawoo hɛɓɛ

⁴ «Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?

Bible

⁴ “Gáa a mɛni lɛ́lɛɛ kákɛ nyìi kápɛrɛ lɛ́lɛɛ-ŋai mu Ŋápɛrɛi wóloɔ?

Egaa 1:4 Iomraidhean Croise

Samia Veerɛi 7:2

Tɔɔmun ə kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yálá nwɔ mįnɛ̨ kəhii ə ɓo kələ mu, mɛ̨i kɛɛ a həɠə.»

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Mąątɛ̨nɛ̨ 102:14

Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Mąątɛ̨nɛ̨ 74:7

Daa ə́ hvɛli pɛlɛ́ kɛ a nwɔ̨n gɔ̨nɔ̨n, diɛ ə́ laa mąąwiɛ pɛlɛ́ pu, diɛ mɛlɛkpɛɛ mą.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Ɉeremi 22:14

Nui a kɛ diɛ: «Gáá nwɔ́ pɛlɛ́i tɔɔi, gɛ́, ɲələi pələ nwɛiɠaa mu kpɛa kpɛa, gɛ́ naaləi pɛlɛɛɠaa kɛ mą. Yɛ kpitili wulu ɓɛla pɛlɛ bɛlɛ́ nwąną ɓa bɛlɛ́n bələ, yɛ nwɔ̨nɔ̨ pənə yɛ gbɔlu.»

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Egaa 1:3

Kɛlaa yaan, Yai-Laa aa mɛ̨nį ɓo gwəi mɛ̨nį hukulɔ mun Aze laaləi, yɛ diɛ:

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.