Egaa 1:14 - Yálá laawoo hɛɓɛ (dc)

¹⁴ Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Yálá laawoo hɛɓɛ

¹⁴ Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Bible

¹⁴ Nya ƃe Yâwɛɛ è Siatiɛ ǹóŋ Zɛrubabɛɛ nyii kɛ̀ a gɔmɛni-nuu kɛ́tɛi Zuda lɔii mɛi kponôi kpànaŋ da Zɛosada ǹóŋ Zasua nyii kɛ̀ a zâla láa-soŋ-nuui é pɛ́lɛ ǹúu gbêli-ŋai dîa nyii kùla ǹuɛ-laai sui. Nya ƃe díkelee dí pà dí tíi kɛ́ Ŋ̀wála-wâla kélee Ɣalai Yâwɛɛ ŋɔpɛ́rɛi ma,

Egaa 1:14 Iomraidhean Croise

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Kɔlɔnikɔ Veerɛi 36:22

Ya ɓə, Pɛrsə tɔɔmun Sirusə ŋą tɔɔlaa gwɛlan dɔlɔɔ yee mu, əgɛ mɛ̨nįi ŋɛ̨i Yai-Laa ə mo Ɉeremi laaləi, naa ə hon, Yai-Laa ə Pɛrsə tɔɔmun Sirusə kiliŋą pɔ̨nɔ̨, əgɛ, di bɛ̨ɛ̨ a hɛɓɛ́, di nolo ɓo, ɓɛi kpɔ ŋą tɔɔlaa ə həli laa, diɛ mą:

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Ɛsdrasə 5:2

Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.

Ɛsdrasə 5:8

«Ku wɔ mɛ̨nį nąmu tɔɔmun, ku kaa ə́ kili pui ɉu, kuɔ yɛ́, kwaa li Ɉuda lɔi hu, Yálá Mɔlɔ nwɔ pɛ́lɛ́i mu; daa bɛlɛi tii tɔɔ a kwɛni mąą haɠaaɠaa, daa wulu lɔ bɛlɛ́ nwąną hu, daa golói tii kɛ a yɛlɛ, aa lɛlɛ di yəi.

Nehemi 4:6

Ɉuifəɠaai kɛ di kwɛlɛ, di kɛi pa diɛ mo ku wɔ gee mɛ̨i pow-lee-pow; diɛ kɛ ku wɔ, di kaa pai woloi guɔ, diɛ həɠə gu kwɛlɛ nąą kəlee.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 1:12

Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.

Egaa 1:15

Gwɛlan dɔ̨nɔ̨i tii nwɔ ɲąnin mɛ̨ida lɔwai, voló pow hveelɛ kɔ́w nąąn ɲələ, ya ɓə di góloi tii kɔ́wɔ tɔɔ la.

Egaa 2:2

Mo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, da Yehosadakə lon ɉulɔnu Ɉosue, yii gaa a haláá laa həli mun gɛnɛ̨, ɛlɛɛ, da nuąi kpɔ həɠə luwɔlaa hu diɛ pa, yɛ diɛ:

Egaa 2:21

«'Mo Zorobabɛlə ɓa, yai gaa a gbahalanąmą Ɉuda lɔi hu, yɛ mą: Gáá pai yələkɔlɔn da lɔi di kpɛlin ɉii.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!