Egaa 1:12 - Yálá laawoo hɛɓɛ (dc)

¹² Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.

Yálá laawoo hɛɓɛ

¹² Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.

Bible

¹² Nya ƃe Siatiɛ ǹóŋ Zɛrubabɛɛ da Zɛosadai ǹóŋ Zasua nyii kɛ̀ a zâla láa-soŋ-nuu kɛ́tɛi, é pɛ́lɛ ǹúui gbêli-ŋai nyii dífe li ní luɛ-lâa sui, dí nyii-ŋai dífe li ní luɛ-lâa sui, dí Yâwɛɛ wóo mɛ̀ni nyii gáa a Díɣâlai. Nya ƃe dí Ɣâla ŋɔlóno kɛ́-nuui Egaa wóo mɛ̀ni, kpɛ́ni fêi Dínuu-namui Ɣâla ƃé dɛ̀ɛ. Ǹyaŋ ǹûai dí yào Dínuu-namui ma.

Egaa 1:12 Iomraidhean Croise

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Ɛsdrasə 10:18

Ɉaláá laahəli nuą lonnii lɔwai, yiiɠaai kɛ daa nwɛ̨ą nɛ̨ąą həɠə diɛ ka: Yosadakə lon Ɉosue da nąn nonnii di wɔ lonnii lɔwai: Maaseya, Eliezɛrə, Yarivə da Gedalia;

Ɛsdrasə 5:2

Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Egaa 2:2

Mo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, da Yehosadakə lon ɉulɔnu Ɉosue, yii gaa a haláá laa həli mun gɛnɛ̨, ɛlɛɛ, da nuąi kpɔ həɠə luwɔlaa hu diɛ pa, yɛ diɛ:

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.

Dutɛrɔnome 31:13

Ɛlɛɛ, di lonnii tii gbaɠala hvo diɛ, di kaa pai bələ mɛ̨n ɉii, di Yai-Laa ka wɔ Yálá mąąwiɛ pələ mąąkwɛli, ka yíi hvóló kəlee hu, nɔi ŋɛ̨i ka káá lii heei ɉu Ɉurdɛn ya pulu.»

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.