Egaa 1:11 - Yálá laawoo hɛɓɛ (dc)

¹¹ Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Yálá laawoo hɛɓɛ

¹¹ Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Bible

¹¹ Nya ƃe ŋá gɛ̀ ǹɔii a kpála da ǹyée-ŋai, kágbai-kpalaŋ a kpála, kpɔmɔ-ƃa-kpalaŋ da káwulɔ-wuru-ŋai da zí-sɛŋ-ŋai kélee da ƃai, ŋá pà a lɔii-kpala núu-kpune pɔ́ da sua-ŋa é pɛ́lɛ zí-sɛŋ kélee ma ká zìi.”

Egaa 1:11 Iomraidhean Croise

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Amɔsə 7:4

Mɛ̨nįi Yai-Laa ə nɛ mą́ą́ hįį pələ nwɔ̨nɔ̨, ya ka: Nwɔ̨n mə ə ɉəɠə, ə gɛ a nwɔ kitii tee hɛn, nwɔ̨n tii nwəleen ə kɛi yaɠaa kpala lɔi mu, yɛ Israɛlə lɔi kələn.

Amɔsə 9:6

Yaa tii ɓə aa wɔ mɛ̨nɛ̨i laa yələkɔlɔn ɉu, yɛ nwɔ tɔɔ pɛlɛi kɔ́wɔ hvilɛn lɔi mɛ̨i, yaa ɓə a gboloyá hu yaɠaa kəlee təli, di laa lɔi mɛ̨i. Yaa tii naa ɓaa a: Yai-Laa.

Egaa 2:17

Ŋą́ą́ ka kɛ kóloɠaa kəlee hu kala, ka wɔ hihɛnŋaai kəlee daa kpala, ŋą́ą́ hawon dulɔ pu, ka hvo gɛ li, ka hvo pənə, ka hvo pa ɲą́ą́ ŋɛ̨i bɔ́, Yai-Laa woo li.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Malasi 3:11

Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Malasi 3:9

Nɛ̨ŋɛ̨n naa ka tii ka káá mu, mąąhɔlɔɓo, kaai kpɔ a nɔi nuą ka kəlee, ka kɛ mówoi.

Dutɛrɔnome 28:22

Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.