Dutɛrɔnome 9:2 - Yálá laawoo hɛɓɛ (dc)

² Di kaa a Anakə nuą, di kaa a nu huwu kɛnɛ̨ di yee muhəɠɛɛ. Gbaɠala kaa kaa, kaa ta mɛ̨n, diɛ mo ŋɛ̨i Anakə nuą laa mɛ̨i, diɛ kɛ diɛ: «Gbɛɛ ɓə a pɛli tɔɔi Anakə nuą tɔwɔ?»

Yálá laawoo hɛɓɛ

² Di kaa a Anakə nuą, di kaa a nu huwu kɛnɛ̨ di yee muhəɠɛɛ. Gbaɠala kaa kaa, kaa ta mɛ̨n, diɛ mo ŋɛ̨i Anakə nuą laa mɛ̨i, diɛ kɛ diɛ: «Gbɛɛ ɓə a pɛli tɔɔi Anakə nuą tɔwɔ?»

Bible

² Ǹûai ŋí yée-la mu-siɣɛɛi díwala-wala. Ka wɔ́lɔ dímaa mɛ̂ni mɛni. Da díyɛɛi, ‘Gbɛ̂ɛ ƃé ǹíi kpeleɛɛi é kɔ́ dípɔi?’

Dutɛrɔnome 9:2 Iomraidhean Croise

Zôo 11:10

Yálá a ɲee pɛlɛ nu ta ɓa, a mąą nu təli kiti haɠa ɓa, gbɛɛ ɓə a pɛli tɔɔi na?

Lɛɛ gbɔwɔ ɓa 9:11

Bənən gɛ nuą di hvo pɛli tɔɔi Moisə lííla, dɔɔhɛnŋąą tii kɛ diɛ mąą mɛ̨nį ɓa. Mąąhɔlɔɓo, dɔɔhɛn ə tɔɔ bənən gɛ nuą da Eziptə nuą kəlee diɛ.

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Lonon mo 13:28

Kɛlaa nu huwui laa heeni, di huwalawalaai, daaɠaa mąą tinɛ̨n ŋąą a hįį kpɛa-kpɛa, ɛlɛɛ ku Anakə nu huwu taɠaa kaa kpɔ laa heeni.

Lonon mo 13:33

Ku nu yee muhəɠɛɛ kowolo kowoloɠaa kaa hɔlɔ laa, diɛ ɓo a Anakə lonnii. Diɛi kulɔ nu kwɛa hveelɛi tii hu. Ku kɛi ku kpɔɔ kaa di mu yɛ poninŋąą, ɛlɛɛ bələ kpɔlɔ ɓə di kɛi ku kaa la.»

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 2:21

Di kɛ a nu huwu hvaŋą kɛnɛ̨, di kpulu hu kɛnɛ̨, di yee muhəɠɛɛ lɔ yɛ Anakə nuą. Kɛlaa, Yai-Laa ə di kpɛ Amɔn nuą ɲɛ̨i tɔwɔ yiliɠaa di nɔi kulɔ di yəi, di hee di heei.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 11:21

Nąąlɔwai, Anakə nuąi kɛ heeni yeeɠaa ɓa, Ɉosue ə gəlee paa, diɛ kɛ a Hebrɔn nuą, Devirə da Anavə nuą, ə mą kɛ da yiiɠaai kɛ Ɉuda yeeɠaa ɓa, da Israɛlə yeeɠaa. Ɉosue ə gəlee nwun na pili da di wɔ taaɠaai.

Zasua 11:22

Anakə mun da lɔpee hvo lɛɛ Israɛlə nuą di wɔ lɔi hu, ə kulɔ lɔ: Gaza, Gatə, da Asdɔdə taaɠaa di pulu.

Zasua 15:14

Kalɛbə ə lɔi kulɔ Anakə lonnii haaɓai yəi, diɛ ɓaa: Sesai da Ahiman, da Talmai, diɛ ɓə kɛ a Anakə huwu.