Dutɛrɔnome 8:5 - Yálá laawoo hɛɓɛ (dc)

⁵ Mąąnɛ̨ɛ̨ ka ka kiliŋąhiɛ, ka gbaɠala kaa, kaa diɛ Yai-Laa ka wɔ Yálái kaa ka mąą kwɛlii yɛ bələi lon gaamun a non mąą kwɛli la.

Yálá laawoo hɛɓɛ

⁵ Mąąnɛ̨ɛ̨ ka ka kiliŋąhiɛ, ka gbaɠala kaa, kaa diɛ Yai-Laa ka wɔ Yálái kaa ka mąą kwɛlii yɛ bələi lon gaamun a non mąą kwɛli la.

Bible

⁵ Ka gɔ́lɔŋ a gɛɛ berei núu-kpune a ǹóŋ kula-maa kɛ̀ lai, bere ƃé Káɣâlai Yâwɛɛ a kákula maa kɛ̀ la.

Dutɛrɔnome 8:5 Iomraidhean Croise

Samia Veerɛi 7:14

Gáá pai kɛi a nąn, yɛ ɓo a nón, a ɉɔn gɛ, nuą ɓə ŋą́ di kɛ a gɛlɛ hvaɠa.

Mąątɛ̨nɛ̨ 89:32

da nwɔ́ tɔ́n nwooɠaai kala, da wala bɔ liɛwooɠaa hon,

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Hanwon 13:24

Nui hva hvaɠa həɠə kɛlɛ-kɛlɛ, non nwɛli hvo mą. Kɛlaa, nui non nwɛli kaa mą, a ɲəi bɛlɛ́n ɉutɔɔ ɉa.

Hanwon 3:11

Nón, Yai-Laa a ə́ hutɔɔ, ə́ yee hee mu, a ə́ kilaa pɔ̨nɔ̨ mɛ̨nį ta hu, 'hvó nwąną yɛ́.

Hanwon 3:12

Mąąhɔlɔɓo, nui nwɛli kaa Yai-Laa ɓa, ya ɓə Yai-Laa a ɉu tɔɔ, yɛ bələi lon yii nwɛli kaa nąn ma, a gɛ la.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Izikiɛ 12:3

Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Izikiɛ 18:28

gili a pu nwɔ kulɔ nwoo mu laai kəlee hu, ɛlɛɛ, a bulu tinɛ̨n gəlee ɓa, gaa pai lɛɛi yɛnɛ̨ɛ̨, ɉəɠə mąą hvo mą, hvo pai haai.

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Dutɛrɔnome 1:31

Yai-Laa ka wɔ Yálái ə ka kpəŋə yɛ bələi nu a non gbəŋə la, bələɠaa kpɔ ka tɛɛ la gəlee hu; ə lɛɛ ɉu ka həli gɛɛnąą ŋɛ̨i ɓa.»

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 8:6

Ka Yai-Laa ka wɔ Yálái nwɔ tɔ́nŋąą hon ka lɛɛ nwɔ pələi mɛ̨i, ka ɲɔw mą.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!