Dutɛrɔnome 7:2 - Yálá laawoo hɛɓɛ (dc)

² ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Yálá laawoo hɛɓɛ

² ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Bible

² A dítɛɛ kápɔ a gɛɛ ka dísu-kara ka gɛ́ tí. Káfe dísu-mɛni lɛɛ. Ka dîa-ni káfe mɛni da kpɛ̀tɛ káloai.

Dutɛrɔnome 7:2 Iomraidhean Croise

Zɛnɛse 14:20

Mąąwiɛ ə kɛ Huwalawala Kəlee Nąmu Yálá ɓa, yai ə́ yowo nwɔ huwalawala too ə́ kɔ́wɔ mu!» Abramə ə nɛɛ mą, ɉɛn ə ɉɔlɔɓo laa, ə bow nąą tɛɛ Mɛlkisedɛkə pɔ.

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Tɔɔɓɛlaa dɔlɔɔ 20:34

Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Ɛsdrasə 10:3

Gwa gu wɔ Yálái ni gu mįnɛ̨ həɠə yiihu, ku ku yee kulɔ nwɛ̨ą nɛ̨ąą kəlee hu da di lonnii, yɛ bələi yɛ́i a ku wɔ mɛ̨nį nąmu, ka nuąi kpɔ da ɲɔw gu wɔ Yálá nwɔ tíɓoi ɓa, ka ku liɛwoo kɛ la.

Mąątɛ̨nɛ̨ 106:34

Nu huwuɠaai Yálá ə kɛ diɛ; di di kəlee di paa, di hvo gɛ di hvo gəlee paa.

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lonon mo 21:2

Israɛlə ə nwoo kwɛlɛ Yai-Laa ɓa, yɛ mą: «Yá hvaa mą, yá nu huwui ŋɛ̨i lɔ ku yee ŋą, kwa nwɔ taaɠaai wolo, ku di kulɔ yɛ́ a haláá.»

Lonon mo 31:17

'Ka ɉilɛlɛa kəlee paa, ɛlɛɛ nɛ̨ąąi kpɔ hulɔnu mɛ̨nį hu kɔ́lɔn, ka gəlee paa.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 13:8

nu huwuɠaa kpɔ tii ka kwɛlɛ, ə həɠə nɔi kpala tɔɔi pələ, yɛ li la naa kulɔi pələ, di kɛ a di lɛɠɛɛ kaa-o, di kɛ a di mąą kwɛaa kaa-o, di wɔ yáláɠaa tii,

Dutɛrɔnome 13:9

nu a kɛ yɛ́ gwə li di pɔ, hvó hvaa nui tii woo ɓa, hvó mąą hvaalɛɛ, hvó mąą wɛli kaa, hvó tɔɔ bulu.

Dutɛrɔnome 19:13

Ka hvə mąą nu mąąwɛli kaa, gwəi kwələ mun ɲąmąi tii ə bu mąą mɛ̨nį ɓa. Ka yili kulɔ Israɛlə lɔi hu, ə gɛ, ka kɛ a nwun na nɛ̨ɛ̨ nuą.

Dutɛrɔnome 2:33

Yai-Laa gu wɔ Yálái ə doo gu yee ŋą. Gu yee ə tɛɛ mą, yaa da nonnii da nwɔ nuą kəlee.

Dutɛrɔnome 2:34

Gu lɔ nwɔ taaɠaai hu, guɔ daaɠaai kəlee kɛ a haláá hɛn Yai-Laa ɓa. Ɉinąą, nɛ̨ąą da nɛapɛlɛɛ, gu hvo da lɔpee lɛɛ a vulú.

Dutɛrɔnome 23:14

Mąąnɛ̨ɛ̨ ka kwɛli hɛn da lɔ ka tiɛ̨ hu, ə gɛ, ka li ka lɔwɛi kɛi gbomoi, kaa lɔwa tee la, kaa ka lɔwɛi mɛ̨i kpulu la.

Dutɛrɔnome 25:12

Ka nɛ̨ɛ̨nui tii yee tee mą, ka hvo ɲɛ̨imąąwɛli kaa.

Dutɛrɔnome 3:3

Yai-Laa gu wɔ Yálái, ə Basan tɔɔmun Ogə da nwɔ lɔi hu nuą kəlee lɔ gu yee ŋą. Gu yee ə tɛɛ mą, gu hvo nu ta lɔpee lɛɛ laa a vulú.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 10:30

Yai-Laa ə daai tii da ɉu tɔɔmun di lɔ Israɛlə yee ŋą. Yili ə di kɛ a kɔ́ kɔ́ ɓɔwa kɔ̨nɔ̨n, da nuąi kpɔ kɛ laa, hvo nu ta lɛɛ laa a vulú; di naa lɔ tɔɔmun ma, yɛ bələi di naa la Ɉeriko tɔɔmun ma.

Zasua 10:32

Yai-Laa ə Lakisə lɔ Israɛlə yee ŋą, Israɛlə ə ɉon a kɔ́ voló veelɛ yələ, ə nɛɛ a kɔ́ kɔ́ ɓɔwa kɔ̨nɔ̨n; da nuąi kpɔ kɛ laa, yɛ bələi ə naa la Livna ɓa.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 11:8

Yai-Laa ə di lɔ Israɛlə yee ŋą, di yee ə tɛɛ diɛ. Di hvilɛn di pulu, di lɛɛ di kpɛi, di həli Sidɔn kɛnɛ̨mun ma Misrefotə-Maimə, da Mispe ɲɛɛ kɔ́wɔ hu, voló ɓɛlai pələ. Ɉosue yee ə tɛɛ diɛ, di hvo kpɛli nu tɔ̨nɔ̨ kpɛli lɛɛ a vulú.

Zasua 2:14

Ɉinąąi tii di mo mą, diɛ mą: «Akɛ ya wala ku pulu kulɔ, kwa lɛɛ a ku húlu, yɛ́, ka ə́ yəi bɛlɛ́n nuą ka lɛɛ a ka húlu, ɓɛlɔwai Yai-Laa kaa pai nɔi ŋɛ̨i tɛɛ la ku pɔ; kwa ə́ wɔ túwɔ́ pələ lɛlɛi ŋɛ̨i gwələ kulɔ yɛ́.»

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 8:24

Yii kɛa Ai nuą ŋɛ̨i kɛ ɲɛa kɔ́ɔɠaa hu, di yiliɠaa gəlee paa, di di hu tee tee a ɓɔwa, Israɛlə nuą di pənə di pa Ai daai, nu kpəli woloi lɛɛ, di yiliɠaa kəlee paa.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»

Nwun mąąɓo 1:24

Nɛ̨nɛ̨ɛ̨n naa kɛ nuąi tii di di tɔɔ, di nu ta kaa, aa həɠə taai pələ, diɛ mą: «Mįnɛ̨ pələ ɓə nu ya pɛli lɔi la daai? Nąą lɛ kuɔ, ku kaa pai mɛ̨inɛ̨ɛ̨ kɛi yɛ́.»

Nwun mąąɓo 1:4

Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Nwun mąąɓo 2:2

Kɛlaa, ŋą́ mo kaa, gɛ́ kaa; nɔi ŋɛ̨i kaa pa ɉu, ka ɉu nuą ka hvo mįnɛ̨ həɠə, yili pulu, ka di wɔ haláá kulɔiɠaa wolo. Ya ka tii, ka hvo nwóó hon ni, lə ɓə tii ka gɛi?