Dutɛrɔnome 6:3 - Yálá laawoo hɛɓɛ (dc)

³ Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Yálá laawoo hɛɓɛ

³ Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Bible

³ Óo Eezuɛ-ƃela, ka káwoli tɔ́ɔ, ka kámɛi káa, ka woo mɛni kɛ́, a gɛɛ mɛni-ŋai kélee ka pâi kɛ̂i gɛ̂i ǹɔii su ka liî naai zu é kɛ́tɛ a ǹɛ́lɛɛ kámɛni ma. Ǹɔii lɛ̂lɛɛi sí-sãa kpɛtɛ mɛni ma yɛ̂ɛ berei kánâŋ-ni Díɣâlai Yâwɛɛ è góno tèe la díyêei.

Dutɛrɔnome 6:3 Iomraidhean Croise

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Lɛɛ gbɔwɔ ɓa 1:7

Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Ɉeremi 42:6

Ə lɛlɛ, ə ɲɔ̨nwɔ, kwa tí Yai-Laa woo ɓa, hvo gaai, kuɔ ɓə ə́ tɔɔ bɔ ku mąą mɛ̨nį ɓa. Bulu a lɛlɛ kuɔ, mąąhɔlɔɓo, ku kaa pai lɛɛi Yai-Laa ku wɔ Yálái woo mu.»

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Gɛlaɠaa 7:17

«Mɛ̨ni Yálá ə naakwɛlanmo Abrahamə ɓa yɛ gwɛla ɉu, kɛi lɔwai ə kɛɛ kɛa lɛɠɛi, di huwu hu ə kɛnɛ̨ Eziptə lɔi hu;

Dutɛrɔnome 11:9

Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Dutɛrɔnome 26:15

Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

Dutɛrɔnome 26:9

Ə pa a kuɔ nɔi ŋɛ̨i hu; ə bɔlɔi ŋɛ̨i tɛɛ ku pɔ; a lɔi lɛlɛɛ kpɔ kpɔ, ɓɛi hɛn gəlee a lɛlɛ laa.

Dutɛrɔnome 27:3

Ka dɔ́n ŋɛ̨i hu wooɠaa kəlee pɛ̨ɛ̨ di mɛ̨i ɓɛlɔwai ka Ɉurdɛn teen na. Yili pulu, kaa lɔ nɔi Yai-Laa ka wɔ Yálái kaa dɛɛi ka pɔ ɉu; yai gaa a lɔi lɛlɛɛ yii hɛn gəlee a lɛlɛ laa, yɛ bələi Yai-Laa ka nąnni di wɔ Yálái ə naakwɛlanmo la kaa.

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Dutɛrɔnome 8:8

Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;