Dutɛrɔnome 6:2 - Yálá laawoo hɛɓɛ (dc)

² 'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Yálá laawoo hɛɓɛ

² 'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Bible

² a gɛɛ káa, kálônii da díwɔ̂ lonii ká ƃaa-kɛ maa tɛ́ɛ Yâwɛɛ pɔ́ ká ŋɔtɔ̂ŋ-ŋai mɛi káa a gɛɛ káfulu-laai su é kôya ká ŋ̀ãa-nɛ̃ɛ kula ǹɔii su ka liî naai.

Dutɛrɔnome 6:2 Iomraidhean Croise

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Tɔɔɓɛlaa dɔlɔɔ 8:40

Gɛ tii, ə gɛ, Israɛlə lonnii diɛ pɛli ɲɔwi yɛ́, di wɔ yɛnɛ̨ɛ̨ kəlee yee mu, ɓɛ nɔi, yai ə́ dɛɛ ku nąnni pɔi.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 91:16

Ŋą́ bilɛ yɛnɛ̨ɛ̨ hu, ŋą́ malo.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Hanwon 9:11

Mąąhɔlɔɓo, ɲą́ą́ kili, ɉáálai ɓə ə́ wɔ yɛnɛ̨ɛ̨ hu a kwɛa la, ə́ wɔ kwɛlanŋaa diɛ tamą.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 11:9

Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Dutɛrɔnome 15:5

Ka ka wəli tɔɔ lɔ a nɛlɛɛ Yai-Laa ka wɔ Yálái woo ɓa. Díɓoi ŋɛ̨i gáá dɛɛi ka pɔ háákələi, kaa gəlee kɛ.

Dutɛrɔnome 22:7

Akɛ yá yili ɲɔ̨nwɔ̨mąn gaa tii, yá nwɛ̨ni lonnii həɠə, a wala kɛ tii, nwɛ̨ni ɲąnin, ə́ wɔɔ li, ə́ nee lɛɛ laa. Yá gɛ tii, bələ ɓə yá kɛ la a nwun na nɛ̨ɛ̨mun, ə́ yii yɛ kwɛa.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 6:24

Yai-Laa ə ku tí yɛ ku nwɔ tíɓoɠaai kəlee kɛ, yɛ ku Yai-Laa ku wɔ Yálái mąąwiɛ, kwa pɛli kɛi nwun nąnɛ̨ɛ̨ hu a yələ kəlee. Yɛ ku laa hon mo yɛnɛ̨ɛ̨, yɛ bələi gu kaa la háákələi.

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,