Dutɛrɔnome 5:2 - Yálá laawoo hɛɓɛ (dc)

² «Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Yálá laawoo hɛɓɛ

² «Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Bible

² Kúɣâlai Yâwɛɛ è ŋ̀óo kɛ̀ kúyêei Olɛ yeei ma.

Dutɛrɔnome 5:2 Iomraidhean Croise

Tɔɔɓɛlaa veelɛ 17:35

Da Yai-Laa ni di ta nįnɛ̨ həɠə, Yai-Laa ə mo diɛ, yɛ diɛ: «Mąą hvo nɛ̨ɛ̨li ka hvo kwɛli hvilɛn haliɠaa diɛ, ka hvo di mąąwiɛ, ka hvo haláá kulɔ diɛ.

Lɛɛ gbɔwɔ ɓa 19:1

Israɛlə lonnii kulaa Eziptə lɔi hu, ɲąnin ɉaaɓa tɛɛ pulu, di həli Sinai nɔi pun ɉu.

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Lɛɛ gbɔwɔ ɓa 34:10

Yai-Laa yɛ Moisə ɓa: «Gu kaa mįnɛ̨ həɠəi ə́ wɔ nuąi kəlee ɲɛ̨i ɓa, gáá pai mɛ̨nį kpɛa-kpɛa kɛi, yii ɲɔ̨nwɔ̨mąn hvo ta kɛ li yɛnɛ̨ɛ̨, lɔi ta hu. Ɛlɛɛ, nuą kpɔ ka kwɛlɛ, di kaa pai gbaɠala kaai, diɛ kɛ Yai-Laa kɛ kóló ɲɛ̨i mąą ɲɔwuɔ ɓə, a yai gáá pai gɛi yɛ́.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Dutɛrɔnome 1:6

Ɓɛlɔwai gu kɛ laa Horɛbə yee ɓa, Yai-Laa gu wɔ Yálá ə mo, yɛ diɛ: «Kaa lamun ɲeei ŋɛ̨i koomu a mɔlɔ.

Dutɛrɔnome 29:1

Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.