Dutɛrɔnome 4:4 - Yálá laawoo hɛɓɛ (dc)

⁴ Ɛlɛɛ, kaa ŋɛ̨i a Yai-Laa nwɔ nuą ka káá ni yɛnɛ̨ɛ̨ háákələi.

Yálá laawoo hɛɓɛ

⁴ Ɛlɛɛ, kaa ŋɛ̨i a Yai-Laa nwɔ nuą ka káá ni yɛnɛ̨ɛ̨ háákələi.

Bible

⁴ Kɛ́lɛ káai ka láai a Yâwɛɛ m̀ɛnii, ká káa niî ɣele ma.

Dutɛrɔnome 4:4 Iomraidhean Croise

Mąątɛ̨nɛ̨ 63:8

Mąąhɔlɔɓo, yɛ́ ɓə yá mą́ą́kpɔnmąąɓo, ŋą kɛ ə́ koon nįnįn mu, ŋą tómą a kwəinɛ̨ɛ̨.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 4:3

Mɛ̨nįi Yai-Laa ka wɔ Yálái ə gɛ Baalə-Peɔrə, kaa kpinįi ka nąą kaa a ka ɲɛ̨ikɔw; nuąi kpɔ hvilɛn Baalə pulu Peɔrə, Yai-Laa ka wɔ Yálái ə gəlee paa ka lɔwai.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Zasua 23:8

Kɛlaa, 'ka kanąn Yai-Laa ka wɔ Yálái ɓa, yɛ bələi kaa gɛ la, aa lɛɛ ɉu háákələi yələ aa həli.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.