Dutɛrɔnome 13:2 - Yálá laawoo hɛɓɛ (dc)

² Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Yálá laawoo hɛɓɛ

² Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Bible

² ǹyaŋ mɛni-ŋai a m̀ôi gélee ŋàa see kɛ́ kɛ̀, ǹyɛɛ kâa, ‘Kwaa kú Ɣâla da kpɛ́ni-ŋa kɔ́ri kú kɛ́ dífɛ̀li,’

Dutɛrɔnome 13:2 Iomraidhean Croise

Tɔɔɓɛlaa dɔlɔɔ 13:3

Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Lɛɛ gbɔwɔ ɓa 22:19

«‹Nui a haláá kulɔ haliɠaa diɛ, akɛ Yai-Laa hvəi, da mąą nu paa.

Lɛɛ gbɔwɔ ɓa 7:22

Eziptə pənən gɛ nuą diɛ kpɛli, di da kɛ. Eziptə tɔɔmun ə gili walawala, hvo gɛ hvo nwəli tɔɔ Moisə da Aarɔn diɛ yɛ bələi Yai-Laa ə gbɛa mo la.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 27:9

«A kɛ tii, ka hvo ka wəli tɔɔ ka wɔ mɛ̨nį ɓoɔ gɛɛ tɔwɔ nuą woo ɓa, da ka wɔ tɔli kpɛ nuą, da ka wɔ hįi woo hukulɔ nuą da ka wɔ ɲɛ̨ąkpɛ nuą, da gwɛlɛɛn gɛ nuą diɛ, diɛi tii kɛi kaa: 'Ká hvo pai lɛɛi Babilonə tɔɔmun yee mu.

Ɉeremi 28:9

Kɛlaa Yálá kwəi mɛ̨nį hukulɔ mun da, a kɛi Yálá kwəi mɛ̨nį hukulɔ, yɛ liilaa mɛ̨nį lɛɛ kwɛaa la yɛ mo, hvo kɛ li mɛ̨nįi tii ə mo a nɛ̨ɛ̨mą, ya ɓə da Yálá kwəi mɛ̨nį hukulɔ mun tii kaa la a nui Yai-Laa ə dɔɔ kpɔ a neelee.»

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Dutɛrɔnome 13:13

Daaɠaa tii Yai-Laa ka wɔ Yálá kaa dɛɛ ka pɔ ka hee ɉu, ka mɛ̨nįi tii bələ mɛ̨n da hu,

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Dutɛrɔnome 18:22

Mɛ̨nįi Yai-Laa kwəi mɛ̨nį hu kulɔ mun tii a mo a Yai-Laa laa, mąą mɛ̨nį a wala kɛ, a wala həli, a kɛ tii, Yai-Laa hvəi mąą nu tí la, a kɛ tii, mąą nui ə mo lɔ tii a gbɔwɔ ɲąąkɛnɛ pələ, ka hvo ɲɔw mą.