Dutɛrɔnome 12:1 - Yálá laawoo hɛɓɛ (dc)

¹ Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Yálá laawoo hɛɓɛ

¹ Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Bible

¹ “Dɔ̂ŋ-ŋai ká ŋí fɛ̂ɛ ká mɛi káa tãi ka pâi kɛ̂i la ǹɔii su kánâŋ-ni Díɣâlai Yâwɛɛ a dɛɛ̂i kápɔi.

Dutɛrɔnome 12:1 Iomraidhean Croise

Tɔɔɓɛlaa dɔlɔɔ 8:40

Gɛ tii, ə gɛ, Israɛlə lonnii diɛ pɛli ɲɔwi yɛ́, di wɔ yɛnɛ̨ɛ̨ kəlee yee mu, ɓɛ nɔi, yai ə́ dɛɛ ku nąnni pɔi.

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

Mąątɛ̨nɛ̨ 104:33

Gáá pai kɛi Yai-Laa mąątɛ̨nɛ̨ wələ tooi, nwɔ́ yɛnɛ̨ɛ̨ kəlee yee mu, voló kpəlii nii ɲə́i, gɛ́ hvɛli kɛ la nwɔ́ Yálái ɓa.

Mąątɛ̨nɛ̨ 119:5

'Ɉú wala wala ɉiɛ pələ hu, gɛ́ pɛli ə́ wɔ tiɓoɠaai kɛi,

Mąątɛ̨nɛ̨ 146:2

Gáá lɔ pai kɛi Yai-Laa mąątɛnɛ̨ mɛ̨nį hu, nwɔ́ yɛnɛ̨ɛ̨ kəlee yee mu, nwɔ́ yɛnɛ̨ɛ̨ kpəlii woloi aa lɛɛ, gáá lɔ pai hvɛli kɛi nwɔ́ Yálái ɓa a yələ kəlee.

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Dutɛrɔnome 11:32

Ka tɔɔ a ka nwąnąi, dɔ́nŋąą, da nɔi mąą tɔ́nŋąąi kpɔ gáá dɛɛi ka pɔ háákələi, ka di pɔ yii ɓo.

Dutɛrɔnome 12:19

Ka gɛ a nɛlɛɛ ka hvo lɛ̨ą Levi lonnii diɛ, ka wɔ yɛnɛ̨ɛ̨ kəlee yee mu.

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.