Dutɛrɔnome 10:11 - Yálá laawoo hɛɓɛ (dc)

¹¹ Yai-Laa ə kɛ mą́ą́: «'Ə́ muhəɠə! 'Lí nuą pɔ, mo diɛ di hvilɛn bələ ɓa də li, nɔi ŋį́ naakwɛlanmo di nąnni diɛ, gɛ kɛ di kaa heei laa, di lɔ ɉu di hee laa.»

Yálá laawoo hɛɓɛ

¹¹ Yai-Laa ə kɛ mą́ą́: «'Ə́ muhəɠə! 'Lí nuą pɔ, mo diɛ di hvilɛn bələ ɓa də li, nɔi ŋį́ naakwɛlanmo di nąnni diɛ, gɛ kɛ di kaa heei laa, di lɔ ɉu di hee laa.»

Bible

¹¹ È mò ḿâ ǹyɛɛi, ‘Lí, íkɛ ǹûai túɛ é lɛ́ɛ la zu dí seri ǹɔii su ŋá ŋ́gono tèe la dínâŋ-ni yêei.’

Dutɛrɔnome 10:11 Iomraidhean Croise

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 10:10

Ŋą́ hvóló pow nąąn da kpinį pow nąąn gɛ lɔ nwɔ̨nɔ̨ ɲee nwuɔ̨, yɛ bələi ŋą́ gɛ la dɔlɔɔ tɔlɔɔ yələ. Yai-Laa ə nwəli tɔɔ nwɔ̨nɔ̨ nwóó ɓa; Yai-Laa hvo hvaa li mą, hvo ka nwun napili.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.