Dutɛrɔnome 1:1 - Yálá laawoo hɛɓɛ (dc)

¹ Mɛ̨nįɠaai Moisə ə mo Israɛlə lonnii diɛ Ɉurdɛn yá pulu pələ, nɔi pun ɉu, Ɉurdɛn ɲá-ɓoloon bɔ, Sufə tənə ma; Paran da Tofɛlə Lavan Haserotə da Di-Zahavə di lɔwai, diɛ ka:

Yálá laawoo hɛɓɛ

¹ Mɛ̨nįɠaai Moisə ə mo Israɛlə lonnii diɛ Ɉurdɛn yá pulu pələ, nɔi pun ɉu, Ɉurdɛn ɲá-ɓoloon bɔ, Sufə tənə ma; Paran da Tofɛlə Lavan Haserotə da Di-Zahavə di lɔwai, diɛ ka:

Bible

¹ Ŋ̀óo-ŋai ká ŋí Mose è mò Eezuɛ-ŋai kélee dîa a tãi dí kɛ̀ la Zɔdiŋ Ya-leei ŋɔ folo kulai perei. Tãi ŋí mâ, díkɛ Zɔdiŋ tiŋ-tiŋ su Sûu kɔlɛ ma. Pâraŋ taai è kɛ̀ díƃela tɔnɔ mà, Tôfɛɛ, Lâbaŋ, Azɛro da Dizaa taa-ŋai díkɛ ƃò díƃela gbelii mà.

Dutɛrɔnome 1:1 Iomraidhean Croise

Zɛnɛse 21:21

Ɓɛi ə hee laa, nąą laa ɓaa: Paran, nee Hagarə ə Eziptə nɛ̨ɛ̨nu ta həɠə, ə dɛɛ bɔ a nɛ̨ą.

Tɔɔɓɛlaa dɔlɔɔ 11:18

Di həɠə Madian, di li Paran, di Paran hinąą taɠaa hvilɛn di pɔ; di həli Eziptə tɔɔmun ma, yili ə pɛlɛ́ tɛɛ Hadadə pɔ, ə gɔ̨nɔ̨n gulɔ, ə lɔi tɛɛ bɔ.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Lonon mo 10:12

Israɛlə lonnii di həɠə Sinai nɔi pun ɉu, diɛ li. Paran nɔi pun ɉu ɓə dulɔ kpinįn ə tɔɔ laa.

Lonon mo 11:35

Nuą di həɠə Kivrotə-Taawa, diɛ li Haserotə pələ, di daa pu Haserotə.

Lonon mo 12:16

Nuą di həɠə Haserotə, di li di daa pu Paran nɔi pun ɉu.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 13:3

Moisə ə lɛɛ Paran nɔi pun ɉu, ə di tɔɔ yɛ bələi Yai-Laa ə dí la. Nuą tii kəlee di kɛ a ɲɛ̨itɔwɔ nuą Israɛlə lonnii lɔwai.

Lonon mo 32:19

Kɛlaa, ku wɔɔ hvo kɛa pai kɛi ɉɛnŋąąi pai hɔlɔɓoi Ɉurdɛn pulu di hu, mąąhɔlɔɓo ku wɛi kaa voló kulɔi pələ ɲá pulu ɓɛli pələ.

Lonon mo 32:32

Kuɔ kpinįi ku hąą yiliɛ, ku ku wɔ kɔ́laɠai həɠə, ku tɛɛ Kanaan lɔi hu, Yai-Laa ɲɛ̨i ɓa. Kɛlaa, ɓɛi nąą kaa pai kɛi a ku kwɛlin nɔi, nąą kaa Ɉurdɛn yá pulu, ɓɛli pələ.»

Lonon mo 32:5

Akɛ kwaa ə́ lii hon, nɔi tii tɛɛ ə́ wɔ tínuąi pɔ a di kwɛlin. Hvó ku lɛɛ laa ku hvo li Ɉurdɛn pulu pələ.»

Lonon mo 33:20

Di həɠə Rimɔn-Pɛrɛsə, di tɔɔ Livna.

Lonon mo 33:21

Di həɠə Livna, di pa Risa.

Lonon mo 34:15

Nu huwu hveelɛi tii da nu huwu kpulɔi tii daa di hee lɔi hɔlɔɓo Ɉurdɛn pulu pələ, Ɉeriko tənə ma, voló həɠəi pələ.»

Lonon mo 35:14

Ka ɉaaɓa həɠə Ɉurdɛn pulu pələ, ka ɉaaɓa həɠə Kanaan lɔi hu. Nu mąąkilɛ taaɠaa li.

Dutɛrɔnome 2:8

Kɛi ə mo tii, gu tɛɛ gu kaayɔwɔɠaa pɔɔli pələ Seirə lɔi hu, ɓɛ pələi tii Esau huwuhu nuą kaa la heeni; gu tɛɛ Ɉurdɛn ɲá-ɓoloon bɔ pələ, bələi tii a tɛɛ Eilatə da Esiɔn-Gɛvɛrə; gu tinɛ̨n gu ɉon a Moabə nɔi pun ɉu pələ.

Dutɛrɔnome 27:1

Moisə da Israɛlə kalanɉonŋąą di mo kpɔ a nwalawalaa nɔi nuą diɛ, diɛ kɛ diɛ: Dɔnŋąą ŋɛ̨i gáá dɛɛi ka pɔ háákələi, ka ka yee kanąn gəlee ɓa ka bɔ mɛ̨nį kɛ.

Dutɛrɔnome 29:1

Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Dutɛrɔnome 31:1

Yili pulu, Moisə ə nwooɠaa ŋɛ̨i ɓo Israɛlə nuą kəlee diɛ, yɛ diɛ:

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Dutɛrɔnome 4:46

Di dɔ́nŋąą da díɓoɠaa tii hukulɔ Israɛlə lonnii diɛ, di hvo ni kɛ Ɉurdɛn teen ni, di kɛ Bɛtə-Peɔrə. Di kɛ Amɔrə tɔɔmun Sihɔn nwɔ lɔi hu, yai kɛ heeni Hɛsbɔn. Moisə da Israɛlə lonnii di dɔɔmun tii paa ɓɛlɔwai di kulɔ la Eziptə lɔi hu.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Zasua 22:7

Moisə ə wɔlɔ lɔi tɛɛ Manase huwu bələ tɔ̨nɔ̨ pɔ, Basan lɔi hu. Ɉosue ə lɔi tɛɛ Manase huwu bələ tɔ̨nɔ̨i tii lɛɛ bɔ, di nąn nonnii lɔwai Ɉurdɛn yá pulu voló tooi pələ. Diɛ kpɛli mąn, ɓɛlɔwai Ɉosue ə di tɔɔ la bələi, ə lúwɔ́ too diɛ.

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Zasua 9:1

Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Samuɛlə dɔlɔɔ 25:1

Samuɛlə haa pulu, Israɛlə nuą di di ŋąąkpɔn, di ɉaa mɛ̨nį kɛ, di noo bɔ taai Rama. Davidə ə muhəɠə ə li Paran nɔi pun ɉu.