Danîa 8:4 - Yálá laawoo hɛɓɛ (dc)

⁴ Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Yálá laawoo hɛɓɛ

⁴ Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Bible

⁴ Ŋá kɛ̀ nɔ́ maa kpɛɛ̂i gɛ́ tìnaŋ-tìnaŋ gɛ́ vóloi liî-pere, yá-ŋua-pere da séɣai-pere tua-tua a m̀ĩla. Ŋ̀wála-wâlaa suai da fa pɔ̂ri kɔ̂i bɔ́ da fa tela pɔ̀ri gbîŋ ŋuŋ ma ƃôi ǹyêei. È m̀ɛnii kɛ̀ è kɛ̀ ŋ̀wɛ̂lii é gɛ̂i. Ŋ̀uŋ su è fùloŋ kpɔ́ a zu kɛ́tɛ ŋ̀ɛ́i é tɛ́.

Danîa 8:4 Iomraidhean Croise

Tɔɔɓɛlaa dɔlɔɔ 22:11

Nąąlɔwai Kenaana lon Sidkiyahu, ə huwɔ mįnɛ̨ pɛli a kwɛli, ə dɔɔ nwuɔ̨, yɛ kɛ diɛ: «Yai-Laa yɛ diɛ: ‹Mįnɛ̨ɠaa ŋɛ̨i, di kaa a huwalawalai ə́ kaa lii Aramə nuą huwu pui la, mąą pɔɔ kɔ́ɔn.›»

Zôo 10:7

Yɛ́ kpinįi gbaɠala kaa yɛ́, ɉɔ́n və mą́ą́, ə lɛɛ nu ta hva pɛli gúlɔi ə́ yee ŋą.

Mąątɛ̨nɛ̨ 44:5

Ee kə Yálá! Yɛ́i a nwɔ́ Heeɓomun, Yɛ́ ɓə kɛi gɛ, kɔ́ɠaa diɛ nɛ̨ɛ̨ Ɉakɔbə ɓa.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Mąątɛ̨nɛ̨ 7:2

Yai-Laa, nwɔ́ Yálá, yɛ́ ɓə ŋą́ mą́ą́kilɛ ə́ hvaŋąn mu, nuąi kpɔ di hvilɛnŋąą búlu a kɔ́, 'málo, 'gulɔ di yəi!

Izikiɛ 34:21

Yiiɠaai ɲɔ̨n ə kɛ diɛ, ka kɛi kɛlɛ di hu, kaa di pili a ka ɓonwon, kaa di kɛlɛ a ka mįnɛ̨ɠaa; ɛlɛɛ ɉu, ka di taɠa taɠa gala tiliin ma.

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Danîa 7:5

Ŋą́ veelɛ kɛɛnąą kaa, yɛ ɓo yɛ: Ursə, viyən ŋąą ɓələ tɔ̨nɔ̨, huwɔ kəŋə kpɛa kɔ́w haaɓa ə ɓo ɲin nɔwai. Woo ta ə tɔɔ, yɛ mą: «Ə́ muhəɠə, ə́ huwɔ tamąą mɛɛ.»

Danîa 8:7

Ŋą́ gaa yɛ lɛɠɛ mɛlaa hilɛi tii ɓa a liikələn gwəi, ə kɛlɛ mɛlaai tii hu, ə mįnɛ̨ hveelɛi yali, hvaŋą hvo kpɛli lɛɛ mɛlaai tii yəi yii a pɛli kɛ tɔɔi la nííla. Molui tii ə mɛlaa too nɔi ɓa, ə ɓɔlɔn mɛ̨i, nu ta hvo hɔlɔɓo yii a pɛli ə mɛlaai tii kulɔ ɲəi kɛ.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»