Danîa 8:3 - Yálá laawoo hɛɓɛ (dc)

³ Ŋą́ ɓɛlaa hilɛ ta kaa tɔɔni ɲa leei tii kwɛlɛ, mįnɛ̨ yɛ ɓo nwuɔ̨ hveelɛ. Mįnɛ̨ hveelɛ tii kwɛakwɛai kɛ, kɛlaa, dɔ̨nɔ̨ kwɛai kɛ dɛɛ mɛlan ma, gwɛa laa mun tii ɓə lɛɛ pulu yɛ tɛ.

Yálá laawoo hɛɓɛ

³ Ŋą́ ɓɛlaa hilɛ ta kaa tɔɔni ɲa leei tii kwɛlɛ, mįnɛ̨ yɛ ɓo nwuɔ̨ hveelɛ. Mįnɛ̨ hveelɛ tii kwɛakwɛai kɛ, kɛlaa, dɔ̨nɔ̨ kwɛai kɛ dɛɛ mɛlan ma, gwɛa laa mun tii ɓə lɛɛ pulu yɛ tɛ.

Bible

³ Ŋá ŋɛ́i tɛ̀ nɔ́ ɣelêi ŋá ƃála sîrɛ tɔnɔ káa tɔɔ-ni ǹyá tɛɛ-perei kɔlɛ m̀ĩla kɛ́ ƃò ŋûa feerɛ. M̀ĩla veerɛ è kɛ̀ a gôya-goyaa. Ǹaa kɛ́ɛ tíi, m̀ĩla dɔnɔ è kòya é tɛ́ɛ m̀arâŋ ma.

Danîa 8:3 Iomraidhean Croise

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Ɛsdrasə 4:5

Nuą tii, di nu hala, ə gɛ, di Yálá hee pɛlɛ́ tɔɔ mɛ̨nį hu kala, di gɛ tii a tɔɔmun Sirusə nwɔ lɔwai, ə həli la Dariusə nwɔ lɔwai ɓa, diɛi kɛ a Pɛrsə tɔɔɓɛlaa.

Azaya 13:17

Gáá pai Medi nuą ɲąątɔɔi diɛ, di wɛi, di mąąkpaan vo wali ɓa, diɛ hɛni hviiɓo.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Danîa 10:5

Ŋą́ lɛɛ lɔ ɲɛ̨́i laai, ŋą́ nu ta kaa həɠə kwɛlɛɛ yɛ ɓo mą, ɉąą yiliɛ a hɛni kpɔkpɔɔ həɠə ɓɛla.

Danîa 2:39

Ya pa həɠəi laa, tɔɔmun da kpɛli kaa pai heei yii gɛ pələ hva kɛ yɛ pələi ə́ kɛnɛ̨ɛ la. Yili pulu, ɉaaɓa kɛɛnąą a pa, yɛ ɓo a ɓala kwɛli, yii pai tɔɔlaa kɛi yɛnɛ̨ɛ̨ nąą kəlee.

Danîa 6:28

Ya ɓə a nu nwun mąąɓo, yɛ gulɔ haa hu. Ya ɓə a kpalo mɛ̨nį kɛ, da kwəi pili mąa mɛ̨nįɠaa, yələkɔlɔn ɉu, da lɔi mɛ̨i. Ya ɓə Daniɛlə nwun mąąɓo, Ya bə gulɔ yalaɠaa yəi.»

Danîa 7:5

Ŋą́ veelɛ kɛɛnąą kaa, yɛ ɓo yɛ: Ursə, viyən ŋąą ɓələ tɔ̨nɔ̨, huwɔ kəŋə kpɛa kɔ́w haaɓa ə ɓo ɲin nɔwai. Woo ta ə tɔɔ, yɛ mą: «Ə́ muhəɠə, ə́ huwɔ tamąą mɛɛ.»

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.

Danîa 8:20

Mɛlaa hilɛi tii kɛ ə́ gaa nįnɛ̨ yɛ ɓo nwuɔ̨ hveelɛi, mįnɛ̨ hveelɛi tii kaa a tɔɔɓɛlaa hveelɛ, dɔ̨nɔ̨ kaa a Medi tɔɔlaa, dɔ̨nɔ̨ yɛ ɓo a Pɛrsə tɔɔlaa.

Zakari 2:1

Ŋą́ ɲɛ̨́i muhəɠə, ŋį́ huwɔ mįnɛ̨ nąąn gaa,

Zakari 5:1

Ŋą pənə ŋą nwun muhəɠə, ŋą kwɛlɛɛn gɛɛ takpɛli kaa: ŋį́ hɛɓɛ́ ta kaa, yɛ koon.

Zakari 5:5

Malakai tii kɛi mɛ̨nį ɓo mą́ą́, ə lɛɠɛ mą́ą́, yɛ mą́ą́: «'Ə́ nwun muhəɠə tai, ɉɛn tii pai, ə́ gaa.»

Zakari 5:9

Yili pulu, ŋį́ nwún muhəɠə, ŋį́ mɛ̨nį ta kpɛli kaa nwɔ̨nɔ̨: Nɛ̨ąą hveelɛ diɛ pa. Hvaŋą ə kɛi di koon muhəɠə. Di koonŋaa kulaa kɛ gwąą-gwąą koon ma. Nɛ̨ąąi tii, di mɔ̨nun gɔɔn gəgən gbəŋə, di dɛ yələ kɔ́lɔn da lɔi di lɔwai.

Zakari 6:1

Ŋą́ kwɛlɛɛn gɛɛ takpɛli kaa nwɔ̨nɔ̨, ŋą́ wotolo nąąn gaa, diɛ li yee hveelɛ lɔwai, ɲeeɠaai tii di kɛ a ɓala kwɛli.

Lonon mo 24:2

Balaamə ə ɲɛ̨i muhəɠə, ə Israɛlə nuą kaa diɛ di hvįįtɔɔ. Di hee kpəlin na kɛɛ a di kpolo laa. Yálá nwɔ Kilii ə pa bɔ.

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»

M̀ɛni-lɛɛi 13:11

Ya ɓə, ŋį́ huwɔ takpɛli kaa yɛ kulɔ lɔi mu. Mįnɛ̨ ə ɓo nwuɔ̨ hveelɛ yɛ ɓɛlaa lon, kɛlaa, yɛ hvaa yɛ mąąɲɔw-hɛn.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.