Danîa 8:1 - Yálá laawoo hɛɓɛ (dc)

¹ Tɔɔmun Bɛlsasarə nwɔ tɔɔlaa gwɛlan ɉaaɓa lɔwai, ɲą́ą́ Daniɛlə, ŋą́ hįi takpɛli kaa nwɔ̨nɔ̨.

Yálá laawoo hɛɓɛ

¹ Tɔɔmun Bɛlsasarə nwɔ tɔɔlaa gwɛlan ɉaaɓa lɔwai, ɲą́ą́ Daniɛlə, ŋą́ hįi takpɛli kaa nwɔ̨nɔ̨.

Bible

¹ Ńyãa Danîa ŋá zĩ̂a kàa Gâloŋ Bɛsaza ŋɔkâloŋ-laa koraŋ zaaƃai su zĩ̂ai maa-ŋuŋ káa ḿîi pôlu ma.

Danîa 8:1 Iomraidhean Croise

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Danîa 10:2

Nąąlɔwai tii hu, ɲą́ą́ Daniɛlə, ŋą́ mąąwɛli heeɓo yɛ haa a too nu ɓa, lɔwɔ haaɓa kuu mu.

Danîa 10:7

Ɲą́ą́ Daniɛlə, ɲą́ą́ dɔ̨nɔ̨ gbən ma gɛɛi tii kaa. Nuą ŋɛ̨i kɛ gwɛ́lɛ, di hvo gaa. Kɛlaa ə mą kɛ tii, di ɲɔw di gilɛ həɠə diɛ li di loɔi.

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Danîa 7:1

Bɛlsasarə ŋɛ̨i kɛ a Babilonə tɔɔmun, nwɔ tɔɔlaa gwɛlan dɔlɔɔ hu, Daniɛlə ə hįi kaa, ɓɛlɔwai ə kɛ la laani ɲəi gbinŋa, mɛ̨nį walawalaɠaai kɛ ɉįi tii hu, ə bɛ̨ɛ̨, ə ɉukulɔ, yɛ diɛ:

Danîa 7:15

Ɲą́ą́ Daniɛlə, gwə́i ə pili mą́ą́ kpɔ kɛnɛ̨, ɉįi tii ŋą́ gaa mąą mɛ̨nį ɓa.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Danîa 8:15

Ɲą́ą́ Daniɛlə, ɉįi tii ŋą́ gaa, ŋą́ kɛ bɔ ŋą́ mukulaa kɔ́lɔn, ŋaaɓa, ŋą́ nu ta kaa tɔɔni nííla,

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.