Danîa 7:4 - Yálá laawoo hɛɓɛ (dc)

⁴ Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Yálá laawoo hɛɓɛ

⁴ Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Bible

⁴ Maa-ŋuŋ è kɛ̀ yɛ̂ɛ kɔ́li, goôŋ kɛ́ ƃò mà yɛ̂ɛ kuɛ. Ŋá lɛ̀ɛ m̀aa kpɛɛ̂i goôŋ veerɛ é kúla m̀a é tóo. È m̀u-siɣe é tɔ́ɔ yɛ̂ɛ núu. È kɛ̀ tí è pɛ̀lɛ gíli ŋá siâi yɛ̂ɛ núu-kpune.

Danîa 7:4 Iomraidhean Croise

Samia Veerɛi 1:23

Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Zôo 25:6

Gu hvo mun kɛ golo kpɛli kpɛli ŋɛ̨i a nui, a Adamə lon ŋɛ̨i a golo ɲąnin gbɛli kpɛlii.

Mąątɛ̨nɛ̨ 9:20

Yai-Laa, 'ə́ muhəɠə, 'ə́ tɔɔ! Nu kan 'və nwun dɛ! Lɔiɠaa kiti tee tai, ə́ líila!

Ɉeremi 25:38

Di kaa lii yɛ yala kulɔ gwənąn ɉu, yɛ li, di wɔ lɔi aa lɛɛ a lɔi mąąwɛliɛ a kɔ́ kɔ́ ɓɔwaɠaa laa pɔɔ, níiholi kɛnɛ̨ pələ ɓa.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 48:40

Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Izikiɛ 17:3

'Kɛ diɛ: Yai-Laa woo ka, yɛ: «Guwɔ kɛnɛ̨i, goon ɲąą kpɛa kpɛa, nɛɠaɠaa ɲąą kɛnɛ̨, gɔlɔɓa lɛɠaɠaa ɲɛ̨́i pɛ̨ɛ̨ a damąą, ə pa Liban, ə kpitili da ton ɲali mɛ̨i,

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

Danîa 7:12

Ɉuwɔ haaɓa yiiɠaai tii, di di wɔ huwalawala kulɔ di yəi, kɛlaa, di di yii Yələ ta kɛ mą, ə lɛɛ la ɉu, lɔwai ta yɛ ɉəli.

Danîa 7:5

Ŋą́ veelɛ kɛɛnąą kaa, yɛ ɓo yɛ: Ursə, viyən ŋąą ɓələ tɔ̨nɔ̨, huwɔ kəŋə kpɛa kɔ́w haaɓa ə ɓo ɲin nɔwai. Woo ta ə tɔɔ, yɛ mą: «Ə́ muhəɠə, ə́ huwɔ tamąą mɛɛ.»

Maafîu 24:28

Ka kili kaa ɉu, ka diɛ ɓɛi huwɔ powa kaa laa, nąą ɓə gwąą-gwąąɠąą da di ɲąąkpɔn naa.»

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

M̀ɛni-lɛɛi 13:2

Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.