Danîa 5:4 - Yálá laawoo hɛɓɛ (dc)

⁴ Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Yálá laawoo hɛɓɛ

⁴ Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Bible

⁴ Díkɛɛ ŋwã̂ai kpelêi, dí kɛ̀ ŋ̀âla pɔkɔɔ-ŋai fɛlîi nyii-ŋai kɛ̀ a díkpɛtɛɛ a gôo, káne, ƃara, kɔli, wúru da kɔnii.

Danîa 5:4 Iomraidhean Croise

Tɔɔɓɛlaa dɔlɔɔ 1:49

Adoniasə nwɔ nuą ŋɛ̨i ə di təli, di kəlee di mąą ə kpɛlin, di di muhəɠə, di taɠa taɠa.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 5:3

Nąąlɔwai, ɉɛni hɛn ɲąŋąɠaai ŋɛ̨i di ɉəɠə Ɉerusalɛmə daai Yálá hee pɛlɛ́ mu, Yálá yəi bɛlɛ́n, di paa la, tɔɔmun da nwɔ wɛli nɛ̨ąąi, ə mą kɛ nɛ̨ąni da nwɔ nu kpɛa-kpɛai diɛ di kpələ ɉu.

Danîa 5:5

Nąąlɔwai tii hu kpɔlɔ, nu yee kpiɛ ta ə kulɔ nwulɔ nwɔ̨n bulu yɛ hɛɓɛ́ pɛ̨ɛ̨ dɔɔ pɛlɛ́ ɓa. Tɔɔmun ə nu yee kpiɛi tii kaa yɛ ɉɛɓɛ́ pɛ̨ɛ̨.

Amɔsə 6:7

Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.