Danîa 4:5 - Yálá laawoo hɛɓɛ (dc)

⁵ Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Yálá laawoo hɛɓɛ

⁵ Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Bible

⁵ Ŋá Zĩa kàa nyii gɛ̀ ŋá yào kpɔ́ a ŋánaa. Ŋá sɛŋ mili-miliɛ sii da kàa nyii su. M̀ɛnii ŋí a gɛ́ yao a pá ŋ́gɔlɔi.

Danîa 4:5 Iomraidhean Croise

Zɛnɛse 41:1

Kwɛlan veelɛ tɛɛ pulu, hvóló ta, Eziptə tɔɔmun ə hįi kaa. Ɉįi tii hu, ə gbɔwɔ kaa tɔɔni Nilə ya lee kwɛlɛ.

Danîa 1:7

Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.

Danîa 2:3

Tɔɔmun ə mo diɛ, yɛ diɛ: «Ŋą́ą́ hįi ta kaa, aa gwə́ipili mą́ą́ kpɔ kɛnɛ̨. Gwə́ipilii tii ə mo mą́ą́, naa kili hvo kpɛli kɛa lɛɛ ŋą́, gáá bɔ, ɉįi tii ŋą́ gaa, ka naa kili too ŋą́, ə lɛɛ, ka ɉukulɔ mą́ą́.»

Danîa 4:10

«Ɉįi tɔ̨nɔ̨i tii hu, ŋą́ lɛɛ laani: «Ŋą́ malaka ta kaa, ə həɠə yələkɔlɔn ɉu ə yɛɛ.

Danîa 4:13

Nu kiliŋąhiɛi tii gaa mą, maa kaa pai hvalin ɉii a huwɔ kiliŋąhiɛ, gaa pai kwɛlan mɛ̨ihveelɛ kɛi yili hu.

Danîa 4:15

«Yɛ́ Bɛltsasarə, ɉįi ŋą́ gaa, ɲą́ą́ tɔɔmun Nabukodonosorə, yaa li, gɛ́ ə́ ɉukulaa lɛ mą́ą́. Mąąhɔlɔɓo, gilimaa nuąi di kaa nwɔ́ tɔɔlai hu, di hva pɛli yili ɓa, yɛ ɓə ya pɛli mą, mąąhɔlɔɓo, Yálá Hulú Nii kaa ə́ mɛ̨i.»

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Danîa 5:10

Tɔɔmun nwoo kulɔ pələi tii da nwɔ nu kpɛa-kpɛaai, tɔɔmun nee, ə pa, ə mo non ma, yɛ mą: «Tɔɔmun, ə́ yii ə kwɛa, kɛi a mo tii Yálá ə kɛ! Ə́ kwəi hvo pili yɛ, hvo ɲɔw, ə́ mąą hvo kpɛlin.

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Danîa 7:1

Bɛlsasarə ŋɛ̨i kɛ a Babilonə tɔɔmun, nwɔ tɔɔlaa gwɛlan dɔlɔɔ hu, Daniɛlə ə hįi kaa, ɓɛlɔwai ə kɛ la laani ɲəi gbinŋa, mɛ̨nį walawalaɠaai kɛ ɉįi tii hu, ə bɛ̨ɛ̨, ə ɉukulɔ, yɛ diɛ:

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.