Danîa 2:4 - Yálá laawoo hɛɓɛ (dc)

⁴ Gilimaa nuąi tii, di tɔɔmun nwoo ŋąąpənə Aramə woo hu, diɛ mą: «Oo tɔɔmun! Ə́ yii ə kwɛa, kɛi a mo tii, Yálá ə kɛ! Ɉiin tii ə́ gaa, mo kuɔi ŋɛ̨i a ə́ wɔ tínuą kuɔ, a kɛ tii, kwa pɛli ku ɉukulɔ yɛ́.»

Yálá laawoo hɛɓɛ

⁴ Gilimaa nuąi tii, di tɔɔmun nwoo ŋąąpənə Aramə woo hu, diɛ mą: «Oo tɔɔmun! Ə́ yii ə kwɛa, kɛi a mo tii, Yálá ə kɛ! Ɉiin tii ə́ gaa, mo kuɔi ŋɛ̨i a ə́ wɔ tínuą kuɔ, a kɛ tii, kwa pɛli ku ɉukulɔ yɛ́.»

Bible

⁴ Dáre-ƃelai dí ŋ̀óo su tòo Aramee sii-wooi su dîyɛ mài, “Gâloŋ é kɛ́ ɣele ma wɔ́lɔ-wɔlɔ da wɔ́lɔ-wɔlɔ! Zee-wooi ƃó kûa. Kwa pâi zu-kulâi yɛ̂.”

Danîa 2:4 Iomraidhean Croise

Zɛnɛse 31:47

Laban ə gɛɛnąąi tii laa hee a: «Yegarə Sahaduta.» Ɉakɔbə ə nwɔ laa hee a dee, yɛ mą: «Galeedə.»

Zɛnɛse 41:8

Yələ ɓɔɔ kɛa, ɉįi tii tɔɔmun ə gaa, ə́ liihɛlɛn doo mą, ə nɛɛ mą ə nwɔ pənən gɛ nuą da nwɔ kilimąą nuąi təli, ɉįi tii ə gaa ə ɉukulɔ diɛ. Kɛlaa, dɔ̨nɔ̨ kpɛli hvo pɛli mukulaa lɛi tɔɔmun ma.

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Tɔɔɓɛlaa dɔlɔɔ 1:31

Bɛtsabe ə mąą yɛɛ, ə pɛlɛ nɔi ɓa, ə kwɛli hvilɛn tɔɔmun ma, yɛ mą: «Nwɔ́ mɛ̨nį nąmu tɔɔmun Davidə, ə́ yíi ə kwɛa kɛi a mo tii Yálá ə kɛ!»

Tɔɔɓɛlaa veelɛ 18:26

Hilkiyahu lon Ɛliakimə, da Sɛvna, ɛlɛɛ, Yoa, di mo nui tii ɓa, diɛ mą: «Nąn! Mɛ̨nįi yɛ́ ə́ mo, mɔ yɛ́ tínuą diɛ Aramə woo hu, mąąhɔlɔɓo, nwoo yili ɓə kwa pɛli mąn ɉii; kɛlaa, hvó pələ ɓɔ kuɔ Ɉude woo hu, ə gɛ, hvo pa too nuąi ŋɛ̨i ɉįi la di wəlii.»

Ɛsdrasə 4:7

Tɔɔmun Artasɛrsɛsə nwɔ tɔɔlaa lɔwai, Bislamə, Mitredatə, Taveɛlə, da di ɓɛlaa kəlee, di hɛɓɛ́ pɛ̨ɛ̨ di dɛɛ tɔɔmun ma. Di ɉɛɓɛ́i tii pɛ̨ɛ̨ a Aramə nuą di wɔ hɛɓɛ́ kɔ́w, da di hvaa woo.

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Azaya 36:11

Ɛliakimə, da Sɛvna, ɛlɛɛ Yoa diɛ gɔ́kuláá tii ɓa: «Mɛ̨ni ɓo yɛ́ tinuą diɛ a Aramə woo, kwa nwooi tii mąn; hvo hvaa a Ɉude woo, nuąi tii daa mąąkpɛ hįi ɓa di hvo pa nəi mɛ̨n.»

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Danîa 1:4

Mąąnɛ̨ɛ̨ di kɛ a hilɛlɛai kiliin ɉii ɲɔ̨nwɔ̨ɔ̨ hvo diɛ, di lɛlɛɛ, kili yɛ ɓo diɛ, diɛ ɓo a mɛ̨nį kɔ́lɔn nuą, di nwun ə ɓo di hu. Di kɛ a nuąi da pɛli di kɛ ɲə́i dɔɔ-pɛlɛ́ mu. Diɛ ɓə di kaa pai di kalan ɉi a Kalde woo, da ɉɛɓɛ́ kɔ́w.

Danîa 2:7

Gilimaa nuąi tii di nwoo ŋąąpənə naa hee veelɛnąą, diɛ mą: «Ku kaa bɔ, tɔɔmun ə ɉįi tii ɓo kuɔi ŋɛ̨i a ə́ wɔ tínuą kuɔ, yili pulu, kwa mukulaa lɛ yɛ́.»

Danîa 3:9

Di mo tɔɔmun ma, diɛ mą: «Kuɔ mɛ̨nį Nąmu, ə́ yii ə kwɛa, kɛi a mo tii, Yálá ə kɛ!

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Danîa 4:7

Ɓɛlɔwai ŋą́ kɛ la laani ɲə́i gbin ŋą, ɉįi ŋą́ gaa ya ka: «Ŋą́ wulu ta kaa lɔi hąą, gwɛa kpɔ kɛnɛ̨.

Danîa 4:9

Naa lɛlɛɛ kɛ mą, ma tamąą ɉu, nu kəlee kɔ̨nɔ̨n ə kɛ ɉu, mu ɓə lɔwɔi huwɔɠaa kəlee di kɛi pa diɛ pɛlɛ laa. Naa hu ɓə yələi nwɛ̨nįɠaa kəlee di kɛi pa diɛ di taa tɔɔlaa. Nɔ̨ɔ̨-nɔ̨ɔ̨ hɛnŋaa kəlee diɛ di kɔ̨nɔ̨n ɉɔlɔɓo nwului tii hu.

Danîa 5:10

Tɔɔmun nwoo kulɔ pələi tii da nwɔ nu kpɛa-kpɛaai, tɔɔmun nee, ə pa, ə mo non ma, yɛ mą: «Tɔɔmun, ə́ yii ə kwɛa, kɛi a mo tii Yálá ə kɛ! Ə́ kwəi hvo pili yɛ, hvo ɲɔw, ə́ mąą hvo kpɛlin.

Danîa 5:8

Tɔɔmun nwɔ Kilimąą nuą kəlee di pa, kɛlaa, dɔ̨nɔ̨ kpɛli hvo pɛli ɉɛɓɛ́i tii ɓoi, hvo ɉukulɔ tɔɔmun ma.

Danîa 6:21

Gɛɛ kɛa həlii ɲala kwənąn na, ə Daniɛlə təli, nwoo maa yɛ kpɛlin, yɛ mą: «Daniɛlə, Yálá hvulú nwɔ tímun, ə́ wɔ Yálái ŋɛ̨i ya kwɛli hvilɛn ma a hvaŋąlɔ, aa ə́ nwun mąąɓo ɲalaɠaa yəi?»

Danîa 6:6

Nuąi tii di mo kɛa, diɛ mą: «Gu hvo pai hɔn nɔpee ta kaa Daniɛlə ɓa, hvo kɛli, gu ɉɔn gwɛli ma nwɔ Yálái nwɔ tɔ́n ɉu.»

Danîa 6:7

Yili pulu, nwun nąmįnąa da nɔi nu kpɛa-kpɛa di lɔ di kee hu, də li tɔɔmun bɔ, diɛ mą: «Tɔɔmun Dariusə, ə́ yii ə kwɛa, kɛi a mo tii Yálá ə kɛ!

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Samuɛlə dɔlɔɔ 10:24

Samuɛlə yɛ nɔi lonnii kəlee diɛ: «Nui Yai-Laa ə ɲee lɛ mą, kaa gaa! Gɔɔn mąą hvo nɔi lonnii kəlee lɔwai.» Nąąlɔwai, nu kəlee ə ɲee lɔwa, diɛ tomą, diɛ kɛ mą: «Tɔɔmun ə́ yii ə kwɛa!»