Azaya 10:3 - Yálá laawoo hɛɓɛ (dc)

³ Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Yálá laawoo hɛɓɛ

³ Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Bible

³ Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii kôyaa su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Azaya 10:3 Iomraidhean Croise

Zɛnɛse 31:1

Ɉakɔbə ə bələ mɛ̨n Laban lon ɉinąą diɛ kɛ diɛ: «Ɉakɔbə aa ku nąn nwɔ hɛn gɔw kəlee həɠə a gbanalaa, yaamun, aa kɛ a hɛn gɔw nąmu.»

Tɔɔɓɛlaa veelɛ 7:15

Yiliɠaa di lɛɛ Aramə nuą kpaalə ɓa, di həli Ɉurdɛn ɓa. Di həɠəɠaa kaa daɠa taɠaa Aramə nu pɔɔ ɲą, yai di kɛi ɓo mą diɛ doo da hɛn dakpɛliɠaa. Gɛlaɠaa tii di pənə di pa, di tɔɔmun gilaa pɔ̨nɔ̨.

Zôo 31:14

Yálá a muhəɠə, lə ɓə ŋą́ gɛ́? A mą́ą́ləngɛ, ŋą́ kɛ mą lə?

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 17:4

Mąą yələi tii, Ɉakɔbə hvaŋą ta a kulɔ mą, goo haɠa a wolo, kəŋə la ə tee.

Azaya 20:6

Nɔiɠaa ŋɛ̨i hu nuą diɛ kɛa kɛ diɛ: «Nuąi ku ɲɛ̨i heɛ kɛ di pɔ pələ, kuɔ kɛ ku ku mąąkilɛ laa, diɛ kpɔnmąą tɛɛ ku pɔ, diɛ ku kulɔ Asiri tɔɔmun ɲəi, diɛ ka; kwa pɛli kɛa kulɔ pələ kɛi ləi ɉu?»

Azaya 26:14

Haa nuą di hva yali di pulu di hvo pa, nuąi di wɔ yɛnɛ̨ɛ̨ aa kpɛɛ, di hva kɛa di muhəɠə, mąąhɔlɔɓo, Yáá di hutɔɔ, Yáá di hukala, Yáá di laa kəlee kulɔ yɛnɛ̨ɛ̨.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Azaya 28:20

Ka laa gbin gaa pai kpuɔi, ka hva pɛli ka kɔ́wɔ haŋąi; ɲíi həɠə hukolo pələ, hva pɛli ka mɛ̨i.

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Azaya 30:5

Di kəlee di hvii kaa pai kpɛɛi nu huwui tii mąą mɛ̨nį hu, hvo pai hɛn da kɛi diɛ, hvo pai kpɔmąąi lɔpee tɛɛi di pɔ, di hvo pai tɔlɔi lɔpee hɔlɔɓoi ɲəi, ə kulɔ lɔ di nwumɛ̨ mɛ̨nį, da ɓɛlɛ kpɛɛ mɛ̨nį diɛ pulu.

Azaya 30:7

Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 39:3

Nąąlɔwai, Yálá kwəi mɛ̨nį hukulɔ mun Esai ə pa ə tɔɔmun Ezekiasə kaa, yɛ mą: «Lə mɛ̨nį ɓə nuąi tii di mo yɛ́, ɛlɛɛ, di həɠə mį?» Ezekiasə yɛ mą: «Di həɠə kpɔ kwɛaala, kpɔ Babilonə diɛ pa di woo pilii mą́ą́.»

Azaya 5:14

Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Azaya 5:26

Aa ɲee kpuɔ lɛ lɔi mąą kwɛaa ɓa, yɛ dəli a kwelee woo lɔi kpon ɉeei, ya ka tii gɔwɔ mąą hulɔi, yɛ pa a gilɛ.

Ɉeremi 22:7

Gáá ə́ laakwɛlanmoi nuą diɛ, ə́ kala mɛ̨nį ɓa. Nu kəlee nwɔ kwɛli hɛn gaa ɲəi. Di kaa pai ə́ wɔ kpitili lɛlɛɛɠaa teei, diɛ nwɔ̨n bili ɉu.

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 9:9

Nwɔ́lɔ woo kaa tɔɔi ɲeeɠaa ton na. Gɛ́ nwóó laa ɓɛi daatɛlɛɛɠaa di di laa mį́i laa, ɲɛa kɔ́ɔɠaa hu. Mąąhɔlɔɓo, daa gɛɛnąąɠaa tii kələn, nu ta hva kɛa tɛɛ laa. Nwɛniɠaa-o, daatɛlɛɛɠaa, gəlee daa pu, hɛn da hvo laa.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 9:5

Ləɓə ka káá pai gɛi a ɉɛli pu yələ? A Yai-Laa nwɔ hɛli yələi?

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.