Abdiasə 1:17 - Yálá laawoo hɛɓɛ (dc)

¹⁷ Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Yálá laawoo hɛɓɛ

¹⁷ Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Bible

¹⁷ “Kɛ́lɛ ǹúu da-ni da pâi pûi dí li Zãiyɔŋ yeei ma, nàa a pâi kɛ̂i a kwaa maa waa. Ǹyaŋ Zeeka ŋɔsuui su-ƃelai da pâi seêi ŋɔ́nɔ ǹɔii ma nyii gáa a dínua pɔlɔ-ŋa pɔɔi.”

Abdiasə 1:17 Iomraidhean Croise

Mąątɛ̨nɛ̨ 69:35

Yələkɔlɔn, ka lɔi ka naa mąąwiɛ, gboloyáɠaa da di hu hɛnŋąą 'ka naa tɛ.

Azaya 1:27

Mɛ̨nį haŋąą kaa pai Siɔn taa nwun mąąɓoi, ɉu hee ɓo nuą di di pulu tɔɔ mɛ̨nį ɲɔ̨n ma, diɛ mɛ̨nį haŋąą kɛ.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 65:9

Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.

Ɉeremi 31:23

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Ɓɛlɔwai gáá pai pənəi ŋį́ pa la a gɔ́ luwɔɠaa, mɛ̨nįi di kaa pai kɛi moi Ɉuda lɔi da nwɔ taɠaa di hu, ya ka: «Yai-Laa ə lúwɔ́ too yɛ́, tələnmo hee taa. Yee mąąhəɠɛɛ.»

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Ɉeremi 44:28

Nu tɛitɛi kaa pai kulɔi gɔi tii hu, di lɛɛ a di hvulú də li Ɉuda lɔi hu. Akɛ kɛa tii, diɛ mąn, ɲą́ą́ mąn, nui tɛ̨ą kaa bɔ da gɔlɔn.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Izikiɛ 36:12

Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Danîa 7:18

Kɛlaa, Yálá Yii Gaa Hɛn Gəlee Nwun Mɛi, nonnii kaa pai tɔɔlaa həɠəi, di wɔ tɔɔlaai kpɛɛ hva kɛ ma.»

Zooɛ 3:5

Nuą kpɔ pai di woo tɛi Yai-Laa ɓa, a di nwun mąąɓo. Mąąhɔlɔɓo, nu kpəli wolo kaa pai lɛɛi, Ɉerusalɛmə, Siɔn yee nwuɔ̨ yɛ bələi ə naakwɛlanmo la diɛ. Nuąi Yái-Laa kaa pai di təli, di kaa pai lɛɛ nu húlumąąɠaa lɔwai.

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.