Zɔ̂ŋ Zaaƃai 1:6 - Yálá laawoo hɛɓɛ (dc)

⁶ Da ə́ wɔɔ wɛlikɛmąą laa mąą kɛla mąą hvaa lɛlɛɛ ɓo gbɔn nonnii kəlee ɲɛ̨i ɓa. Yá kɛ gɛi a nɛlɛɛ, a di mąąkpɔnmąaɓoi yá mo di wɔɔ hiɛ mɛ̨nįɠaa hu, yɛ bələi mąąnɛ̨ɛ̨i la Yálá ɲɛ̨i ɓa.

Yálá laawoo hɛɓɛ

⁶ Da ə́ wɔɔ wɛlikɛmąą laa mąą kɛla mąą hvaa lɛlɛɛ ɓo gbɔn nonnii kəlee ɲɛ̨i ɓa. Yá kɛ gɛi a nɛlɛɛ, a di mąąkpɔnmąaɓoi yá mo di wɔɔ hiɛ mɛ̨nįɠaa hu, yɛ bələi mąąnɛ̨ɛ̨i la Yálá ɲɛ̨i ɓa.

Bible

⁶ nyíi-ŋai íwɛli-kɛ-maai maa-sere-faa kɛ̀ Kôrai-toli-kpɔŋ ŋ́ɛi-tuɛi. Ya pâi gɛ̂i a ǹɛ́lɛɛ à kɛ̀ ya pâi dítɛɛ̂i dísiai ma a berei Ɣâla líi a pɔ̂ri lâai lai.

Zɔ̂ŋ Zaaƃai 1:6 Iomraidhean Croise

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Zôna 4:4

Yai-Laa yɛ Ɉonasə ɓa: «Ə́ líiholii ŋɛ̨i ə́ kaa moi, a kɛ tii mɛ̨nį lɛlɛɛ li?»

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Lomaŋ 15:24

Ŋą́ kɛli pa lii Ɛspaɲə lɔi hu, gáá pai həli ka pɔɔli. Ŋą́ kɛi tɛɛ gɛ́ li, gáá bɔ ŋą pa ŋį́ ɲɛ̨́i tɔɔ kaa, ə lɛɛ ŋį́ ka wɔ kpɔnmąą hɛn ɉɔlɔɓo gɛ́ li la nɔi ti hu, akɛ gwa kaa ni gwa lɔwai tawolo kɛ gu kee ɓa.

Korɛntə veelɛ 1:16

yili pulu, ŋą́ həɠə ká pɔɔli, ŋį́ li kɛ Masedoanə, ŋą́ həɠə nwɔ̨nɔ̨ Masedoanə pələ, ŋį́ tɛɛ ká pɔɔli pələ, káá kɛa dɔ́ɔ́ bələi, a hɛn mąąkpaan gaa mą́ą́, gɛ́ li Ɉude lɔi hu pələ.

Filipə 4:14

Kɛlaa yaamun, ka gɛ a nɛlɛɛ, ka ka kiliŋąhiɛ ká vilɛn mą́ą́, ŋą mɔ̨nɔ̨i hu.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Taitɔ 3:13

Gɛ pələ kwɛli mąą, ə́ kpɔnmąą tɛɛ Ɉenasə pɔ, yai a giti-haɠa-ɓa mun da, di wɔ hiɛi hu da Apɔlɔsə, di yee ɲą hvo kpɛɛ.

Piɛrə dɔlɔɔ 2:20

Mąąwiɛ laa ləi kpɔ ɓə nu ya ɉɔlɔɓo, akɛ daa kɛli gɛlɛ ɉɔn ɉu? Kɛlaa nu a mɛ̨nį lɛlɛɛ kɛ, diɛ mɔ̨nɔ̨ɓo yɛ niikpələ yili mąą mɛ̨nį ɓa, mɛ̨nį lɛlɛɛ li Yálá ɲɛ̨i ɓa.

Zɔ̂ŋ Zaaƃai 1:12

Yii ɓaa Demetriusə nwɛi, nu kəlee da mąą kɛla hvaa lɛlɛɛ ɓo. Tɛ̨ą yaa kpinįi a kɛ mąą kɛla hvaa ɓoi. Ɛlɛɛ, kuɔ kpɛlimąn, kwa mąą kɛla hvaa ɓo, ə́ kili kaa ɉu, ku wɔɔ kɛla hvaa kaa a tɛ̨ą.