Tɔɔɓɛlaa veelɛ 2:9 - Yálá laawoo hɛɓɛ (dc)

⁹ Yii kɛa di ɲá teen, Eli yɛ Elise ɓa: «Yii ə́ kaa bɔ ŋį́ gɛ yɛ́, vɛli mą́ą́, ŋį́ dɛɛ ə́ pɔ, gɛɛ və́ kɛ pai tɛi yələi, mąą yɛ kwɛa yɛ́?» Elise yɛ Eli ɓa: «Gilii tii ə́ yəi, yɛ́ Yálá mąą mɛ̨nį kɛ la, ɉeei hveelɛ ɓə gáá bɔ ə́ dɛɛ bɔ́.»

Yálá laawoo hɛɓɛ

⁹ Yii kɛa di ɲá teen, Eli yɛ Elise ɓa: «Yii ə́ kaa bɔ ŋį́ gɛ yɛ́, vɛli mą́ą́, ŋį́ dɛɛ ə́ pɔ, gɛɛ və́ kɛ pai tɛi yələi, mąą yɛ kwɛa yɛ́?» Elise yɛ Eli ɓa: «Nįį tii ə́ yəi, yɛ́ Yálá mąą mɛ̨nį kɛ la, ɉeei hveelɛ ɓə gáá bɔ ə́ dɛɛ bɔ́.»

Bible

⁹ Tãi dí nâa ǹyái tìyeŋ lai, Ilaza è Ilasa marê kɛ̀ ǹyɛɛ mai, “Mó mâ, lé ƃé ƃa ŋ̀wɛ̂lii ŋá gɛ́ yɛ̂ dí lɛ́ɛ pâi ŋ́gulâi íyêei?” Ilasa è zu tòo, “Tɔɔ ŋá íwala-wala-laai gɛ́tɛ ɣele sɔlɔ ƃó é tɛ́ɛ ḿarâi dîa a gɛɛ ŋá lɛ́ɛ ípɔɔ ŋá a dítuɛ-nuu.”

Tɔɔɓɛlaa veelɛ 2:9 Iomraidhean Croise

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Mąątɛ̨nɛ̨ 72:1

Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Mąątɛ̨nɛ̨ 72:20

Ɓɛ ɓə Ɉɛse lon Davidə nwɔ Yálá hvɛli wooɠaai di kpɛla laa.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Ɉaan 16:7

Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 8:17

Piɛrə da Ɉaan di di yee pɛlɛ Samari nuą mɛ̨i, di Kili-Mąąhəɠɛɛ hɔlɔɓo.

Korɛntə dɔlɔɔ 12:31

'Ká mɛ̨inɛ̨ɛ̨ leeleeɠaa mąą gilɛ həɠə. Gəlee ə mą kɛ, gáá pələ lɛi káá, nɛlɛɛ dɛɛ gəlee ɓa.

Dutɛrɔnome 21:17

Nɛ̨ɛ̨nui tii nwɛli hvo mą non mə mąąnɛ̨ɛ̨ ə gɛ a nu pɔlɔ laamun. Ɲəi hɛnŋąą ɲąąkwɛlɛi lɔwai a yili kwɛlin gɛ a gɛnɛ̨mun. Mąąhɔlɔɓo, non tii ɓə a nąn nwɔ hulɔnu laa ɉu lon dɔlɔɔ-tɔlɔɔ, yili ɓa, mąąnɛ̨ɛ̨ di ɉon yɛ nu pɔlɔ.

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.