Tɔɔɓɛlaa veelɛ 2:3 - Yálá laawoo hɛɓɛ (dc)

³ Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Yálá laawoo hɛɓɛ

³ Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Bible

³ Ɣâla ŋɔlóno kɛ́-ƃelai kɛ̀ Bɛtɛi, dí kùla dí pá Ilasa pɔ́ naa dí marê kɛ́, “Í gɔ́lɔŋ a gɛɛ Yâwɛɛ a pâi ínuu-namui kulâi íyêei sâa?” Ilasa è zu tòo ǹyɛɛi, “Óowei, ŋá gɔ́lɔŋ, kɛ́lɛ káfe lòno é pîlaŋ ma.”

Tɔɔɓɛlaa veelɛ 2:3 Iomraidhean Croise

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Tɔɔɓɛlaa veelɛ 2:5

Yálá kwəi mɛ̨nį hukulɔ nuą di wɔ kalan nɛa di kɛ Ɉeriko, diɛ Elise ɓa: «Ə́ kili kaa ɉu yɛ́ kɛ háákələi ɓə Yai-Laa kaa ə́ wɔ kalamɔ̨ɔ̨ həɠəi la ə́ nwun mɛ̨i?» Elise yɛ diɛ: «Gíli kaa kpɔ tii ɉu, ka ka laa pilɛ.»

Tɔɔɓɛlaa veelɛ 2:7

Yálá kwəi mɛ̨nį hukulɔ nuą nu pow lɔɔli di li di hee Ɉurdɛn kwɛlɛ, di mąą ta wolo kwɛaa Eli da Elise diɛ.

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Tɔɔɓɛlaa veelɛ 5:22

Gehazi yɛ mą: «Ɲɔ̨nwɔ̨ɔ̨ hvo ɉu! Gálamɔ̨ɔ̨ ɓə dɔ́ɔ́, yɛ: ‹Yálá kwəi mɛ̨nį hukulɔ nuą lonnii a hilɛlɛa hveelɛ, daa həɠə Ɛfraimə yee hu daa pa. Gáá ɉuhvɛlii yɛ́, ə́ wali kwələ pow haaɓa, da hiŋɛ̨nɉəɠə hveelɛ tɛɛ, nuąi tii mąą mɛ̨nį ɓa.›»

Tɔɔɓɛlaa veelɛ 6:1

Yálá kwəi mɛ̨nį hukulɔ nuą di wɔ kalan nɛa di mo Elise ɓa, diɛ mą: «Ɓɛi ŋɛ̨i kwa ŋąąkpɔn gɛi laa, nąą hvo kɛnɛ̨ li ku mąą mɛ̨nį ɓa.

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Gɛlaɠaa 22:3

«Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.