Zɔ̂ŋ Veerɛi 1:6 - Yálá laawoo hɛɓɛ (dc)

⁶ ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.

Yálá laawoo hɛɓɛ

⁶ ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.

Bible

⁶ Ŋ̀ɛli-kɛ-maa ká ŋí, a gɛɛ kú pîlaŋ ŋɔtɔ̂ŋ-ŋai pôlu. Dɔ̂ŋ ká ŋí, yɛ̂ɛ berei ká mɛ̀ni la a gɔ́ɔ pîlaŋ tãi, a gɛɛ ká sîa wɛli-kɛ-maa su.

Zɔ̂ŋ Veerɛi 1:6 Iomraidhean Croise

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Zɔ̂ŋ Maa-ŋuŋ 2:24

Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Zɔ̂ŋ Maa-ŋuŋ 2:5

Kɛlaa nui a ɲee kąnąn Yálá woo ɓa, a tɛ̨ą, Yálá nwɔ wɛlikɛmąąlaa laa aa kulɔ mąą nu hu, yili hu ɓə gwa gbaɠala kɔlɔn na guɔ, gwa Yálá ni gu kaa ɉu tanɔ̨n.

Zɔ̂ŋ Maa-ŋuŋ 2:7

Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Zɔ̂ŋ Maa-ŋuŋ 5:15

Ɛlɛɛ, yii kani, gu kili kaa ɉu guɔ a nwəli tɔɔ gu woo ɓai, gu kili ə pu kan ɉu, guɔ, yii lɔpee gwa vɛli mą, gaa kɛa gu yəi.

Zɔ̂ŋ Maa-ŋuŋ 5:3

Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,