Zɔ̂ŋ Veerɛi 1:1 - Yálá laawoo hɛɓɛ (dc)

¹ Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Bɛlɛ́-lee-nɛ̨ą tii di ɉəɠə ɉu mą, da nonnii, a yai nwɛli kaa mą́ą́ tɛ̨ą kɛɛ pono hu, ɲą́ą́ danɔ̨n nɔ hvəə, nwɛli kaa mą́ą́, kɛlaa yiiɠaai kpɔ tɛ̨ą kɔlɔnŋąą kaa di yəi diɛ kpɛlimąn;

Yálá laawoo hɛɓɛ

¹ Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Bɛlɛ́-lee-nɛ̨ą tii di ɉəɠə ɉu mą, da nonnii, a yai nwɛli kaa mą́ą́ tɛ̨ą kɛɛ pono hu, ɲą́ą́ danɔ̨n nɔ hvəə, nwɛli kaa mą́ą́, kɛlaa yiiɠaai kpɔ tɛ̨ą kɔlɔnŋąą kaa di yəi diɛ kpɛlimąn;

Bible

¹ Ńyãai ŋ́gaa a núu-pɔlɔi, ŋa kɔlɔ pɔ̃yɛ̂i ǹɛnîi pɔ́ naa nyíi Ɣâla è nɛ̀i da ǹônii, nyíi-ŋai ŋá díwɛli ní dɔ̃yâi sui. Ńyãa tɔnɔ nɔ́ fêi, kɛ́lɛ ǹûai kélee dí dɔ̃yâi kɔ́lɔŋ, kwa dîa-ni ƃe,

Zɔ̂ŋ Veerɛi 1:1 Iomraidhean Croise

Lukə 1:3

Yili ɓə gaa mą, ɲą́ą́ gbɛli, pələi lɔ di ɉukulɔ la, ə həɠə gɔɠɔ tɔɔ lɔwai ɓa, bələ lɔ ɓə ŋą ɉu kulaa lɛlɛɛ kwɛli la, əgɛ, ŋą bɛ̨ɛ̨ yɛ pələi kpɔlɔ ŋį́ mɛ̨n na, ŋą dɛɛ yɛ́.

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Lomaŋ 16:13

Ną́mu nwɔ tiɓomun gɛnɛ̨i a Rufusə ŋį́ duwɔɓo, ŋį nee tuwɔɓo, yai a kwa yaa ku lee.

Galatə 2:14

Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Galatə 5:7

'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Timote dɔlɔɔ 2:4

yai niiɓa ɓaa, nu kəlee di ɓalo, di tɛ̨ą kɔ́lɔn.

Hebreu 10:26

Mąąhɔlɔɓo, guɔi gwaa tɛ̨ą leelee kɔ́lɔn, gwa gili, gwa nɛ̨ŋɛ̨n ɉəɠə, nɛ̨ŋɛ̨n mąą hvaalɛɛ haláá kulaa takpɛli hvo kɛa laa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Piɛrə dɔlɔɔ 5:13

Yálá ŋą kpɔn Babilonə, diɛ ká tuwɔ ɓo, ə mą kɛ, Markə yai a nón laa na pələ mɛ̨i, yaa kpɛli yɛ ka tuwɔ ɓo.

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Zɔ̂ŋ Veerɛi 1:13

Ə́ mąąhalai di ɉəɠə ɉu, nonnii diɛ ə́ túwɔ́ɓo.

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,

Zɔ̂ŋ Zaaƃai 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Gaiusə ɓa, yai nwɛli kaa mą́ą́ tɛ̨ą ŋą kɛɛ pono hu.