Timote dɔlɔɔ 6:5 - Yálá laawoo hɛɓɛ (dc)

⁵ yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Yálá laawoo hɛɓɛ

⁵ yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Bible

⁵ díkɛ sîa too ǹûai sama nyíi-ŋai díkili káa kpɛni-kpɛni, dɔ̃yâi fé díyêei. Ǹûai ŋí da gàa a gɛ́ɛ Ɣâla-mɛni-kɛɛ káa a sɛŋ sɔlɔ ƃoɔ maa-pere.

Timote dɔlɔɔ 6:5 Iomraidhean Croise

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Maafîu 12:33

«Wului nɛlɛɛ, ma lɛlɛɛi lɔ. Wului ɲɔ̨nwɔ̨ɔ̨, ma ɲɔ̨nwɔ̨ɔ̨i lɔ. Wulu kɔ́lɔn ɉɛn ɓaa a ma.

Maafîu 21:13

Yili pulu yɛ diɛ: «Yálá ə mo nawoo hɛɓɛ́ hu yɛ mą: ‹Nwɔ́ pɛlɛi laa heɛi a Yálá hee pɛlɛ́.› Kɛlaa, ka wɛi kaa gɛ a nwuɔ̨ nuą hee pɛlɛ́!»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Korɛntə dɔlɔɔ 11:16

Nu ta a tɔɔ yɛ gaa yili mąą hɛatooi, ku hvo ku muhəɠə li a yili, ə mą kɛ Yálá nwɔ kpɔn ɓə.

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.

Timote dɔlɔɔ 1:6

Nu taɠaa daa həɠə bələ lɛlɛɛ tii mɛ̨i, daa di kpɔwɔ lɔ ɓowo hɛatoɔ hu;

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 3:8

Gbɔn ɉu mɛ̨nį ɲɛ̨i kulɔ nuą diɛ kpɛli, mąąnɛ̨ɛ̨ di kɛ a nu mąąwiaɠaa, diɛ kulɔ di woo ɓa, di hvo di kpɔwɔ tɛɛ lɔɔ pɔ, ə mą kɛ, nwumɛ̨ hɛn gwɛliɛ.

Timote dɔlɔɔ 4:7

Yii hvilɛn na nɛɛ pɔlɔ kiliinŋąaɠaa tii diɛ, yai nɛ̨ɛ̨goloɠaa lɔ ɓə da ɉee gee lai, 'ə́ wəli kulɔ yiliɠaa kəlee hu. 'Ə́ kpɔwɔ ɲąątɔɔ a Yálá mɛ̨nį.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Timote dɔlɔɔ 6:6

A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Timote veelɛ 3:5

di ɲɛ̨ilai kaa pai kɛi yɛ Yálá kɔ́lɔn nuą, kɛlaa diɛ lənə laa na laa hvaŋą ɓa. Nu taaləɠaa tii diɛ kpɛlimąn, ə́ mąą kwɛa diɛ!

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 18:13

a kanɛlə wulu kɔlɔ, hɛn gun-nɛ̨ɛ̨ɠaa, wulɔ kun-nɛ̨ɛ̨, mirə wulɔ, ɛlɛɛ lansan, lɔɔ da wulɔ, lɛɠɛ hunwɔ̨ ɛlɛɛ mɔ̨nun gɔw, nįŋɛ̨ɠaa da ɓɛlaaɠaa, hooɠaa da wotoloɠaa, luwɔɠaa, da gaho nąmįną.

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»