Timote dɔlɔɔ 6:20 - Yálá laawoo hɛɓɛ (dc)

²⁰ Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Yálá laawoo hɛɓɛ

²⁰ Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Bible

²⁰ Óo Temete, zɛŋ dí nɛ̀ɛ íyeêi, m̀ɛi káa. Ƃoo-lono nyíi maa fé waa ni, ísu kula ma, da sîa-mɛnii nyíi da dòli a táre lɛ́ɛ-perei sui,

Timote dɔlɔɔ 6:20 Iomraidhean Croise

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 17:21

A tɛ̨ą, Atɛnə nuą da nwɛ̨ąąi kɛ daa hee laa, di wɔ mąą tíi lɔɓa kɛ, a mɛ̨nį nįnɛ̨ hukulaa, da di wəli tɔɔ mɛ̨nį nįnɛ̨ ɓa.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Tɛsalonikə veelɛ 1:4

yili aa gɛ, káá ɓo a ku wɔɔ kpɔwɔ ɲąąkɛnɛ̨, Yálá ŋą kpɔnŋaai lɔwai, a ká wɔɔ tɔɔ a nwąnąi laa, ɛlɛɛ, ká wɔ laa na laa mɔ̨nɔ̨ɠaa da hukɔɔn mɛ̨nįɠaa hu, diɛi həlii káá.

Tɛsalonikə veelɛ 2:15

Yili ɓa, ną́n nonnii, ɲíiɓo pələi tii ku ká mąąkwɛli mą, a ku woo da yii ku bɛ̨ɛ̨, 'ká ká yee kanąn mą kpąą.

Timote dɔlɔɔ 1:11

Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Timote dɔlɔɔ 1:4

Ɛlɛɛ, di hvo kąnąn tɔwɔ-tɔwɔ pɔlɔ kiliinŋąą ɓa, yai kpɛla pələi hvo mą, yiliɠaa ɓə da pa a hɛa kpɛli-kpɛli toɔ, yii hvo hvilɛn ni Yálá ŋą mɛ̨nį pɛliɛ ɓa, yai naa kulɔi ɓaa a laa na laa.

Timote dɔlɔɔ 1:6

Nu taɠaa daa həɠə bələ lɛlɛɛ tii mɛ̨i, daa di kpɔwɔ lɔ ɓowo hɛatoɔ hu;

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Timote dɔlɔɔ 4:7

Yii hvilɛn na nɛɛ pɔlɔ kiliinŋąaɠaa tii diɛ, yai nɛ̨ɛ̨goloɠaa lɔ ɓə da ɉee gee lai, 'ə́ wəli kulɔ yiliɠaa kəlee hu. 'Ə́ kpɔwɔ ɲąątɔɔ a Yálá mɛ̨nį.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote dɔlɔɔ 6:14

Mɛ̨nįɠaai ti ŋį́ ə́ tí la, ə́ ə́ yee kąnąn diɛ kpɔ kpąą, 'hvó mąą kala, 'hvó ɲɛ̨i ɲɔ̨nwɔ̨i hee mą, ə lɛɛ ɉu, gu Ną́mu Jesus Kristə pa yələ yɛ ɉəli mą;

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Timote veelɛ 2:16

Yii ɓaa ɉowoon gbɛli-kpɛliɠaa tii, 'ə́ laa kulɔ yiliɠaa hu. Nuąi da di laa lɔ yiliɠaa hu, tuwɔ pələ ɲɔ̨n nɔ ɓə da kɛnɛ̨ ɉu;

Taitɔ 1:14

Di hvo kɛ di kaa, kąnąn ɉii Ɉuifəɠaa huwu la yíi pɔlɔ kilinŋąąɠaa diɛ, da nu kanŋaa di wɔɔ kiliŋąhiɛ, di hvo di pulu tɔɔ tɛ̨ą ɓa.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Taitɔ 3:9

Kɛlaa, mɛ̨nį kpɛli-kpɛliɠaa kwɛliɛ, nu kaa pələ mɛ̨nįɠaa, hɛatoɔ, dɔn mɛ̨nį mąąhɛatoɔ, 'ə́ laa kulɔ yiliɠaai hu, gaa kpɔ a kpɛli-kpɛli mɛ̨nį, nwun və mą.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.