Timote dɔlɔɔ 6:2 - Yálá laawoo hɛɓɛ (dc)

² Luwɔɠaai di nwun nąmįną kaa a kalan nɛa, di hvo kɛ di kaa ɲɛ̨i tɛ kulɔ a diɛ, diɛ kɛ mą: kwa diɛni kəlee, ku kaa a kalan nɛa. Yaamun, di mąąnɛ̨ɛ̨i, di tí kpɔ di nwun nąmįną diɛ a nɛlɛɛ, hvo gaai, di kaa a laa na nuą, a di nąn nonnii, wɛlikɛmąą laa hu, diɛ di kɛ kóló lɛlɛɛ dɔlɔ kulɔ. Yili ɓə mąąnɛ̨ɛ̨ ə́ nɛ diɛ, ə́ di mąąkwɛli mą.

Yálá laawoo hɛɓɛ

² Luwɔɠaai di nwun nąmįną kaa a kalan nɛa, di hvo kɛ di kaa ɲɛ̨i tɛ kulɔ a diɛ, diɛ kɛ mą: kwa diɛni kəlee, ku kaa a kalan nɛa. Yaamun, di mąąnɛ̨ɛ̨i, di tí kpɔ di nwun nąmįną diɛ a nɛlɛɛ, hvo gaai, di kaa a laa na nuą, a di nąn nonnii, wɛlikɛmąą laa hu, diɛ di kɛ kóló lɛlɛɛ dɔlɔ kulɔ. Yili ɓə mąąnɛ̨ɛ̨ ə́ nɛ diɛ, ə́ di mąąkwɛli mą.

Bible

² Luɛ-ŋa dífe ƃâa kula dímɛi-ƃelai dîa nyíi-ŋai díkaa a laa-la-ƃelai, kpɛ́ni fêi, díkaa a díƃarâa; ǹɛ́lɛɛ̂i dí tíi kɛ́ dîɛ kpɔ́ a dámaa, kpɛ́ni fêi, diai da mɛni lɛ́lɛɛ kùla dítii sui, díkaa a laa-la-ƃela da wɛli-kɛ-maa-ƃela. Díi-ŋai ŋí lɛ́ dîa í dília-woo ƃo díkɛ-mɛni ma.

Timote dɔlɔɔ 6:2 Iomraidhean Croise

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Maafîu 23:8

Ka wɛi, mąą hvo nɛ̨ɛ̨li, kaa kɛ ka kee ɓa: ‹Nwɔ́ mɛ̨nį nąmu›, kɛlaa, ka kɛ ka kee ɓa: ‹Gááyɔwɔ.› Mąąhɔlɔɓo, mɛ̨nį nąmu tɔ̨nɔ̨ gbən mə gaa ka nwun mɛ̨i.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Lomaŋ 11:17

Akɛ yɛ́i ŋɛ̨i a lɔwɔ wulu, di ə́ tee di ə́ kanąn hin-nwulu kpaɠa pala ɲą, yá kɛ kɛa kɔ̨nɔ̨n ɉɔlɔɓo ɉin-nwului tii háálai.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Ifisiɛŋ 1:15

Yili ɓə gɛ, ɲą́ą́ kpɛlimąn,, 'ká laa mɛ̨nį gu Nąmu Jesus la, da mąąhəɠə nuą wɛli la kɛ pələ ká yəi, yii kpɔ kɛa ŋą́ yili bələ mɛ̨n;

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Kolosə 1:2

kuɔ ɓə ɉɛɓɛ́i ŋɛ̨i tɛɛi Yálá nwɔ nuą diɛ, diɛi di kaa a ku nąn nonnii, di tələnmoɔ Kristə laa hu, diɛ ɓo Kolɔsə daai. Kuɔ gu Ną́n Yálá ə mɛ̨inɛ̨ɛ̨ da liilaa tɛɛ ka pɔ.

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Kolosə 4:1

Luwɔ nąmįną, káá kpəlimąn, ká ká wɔɔ luwɔɠaai hon a tələnmolaa, a ɉaŋąą. Ká kili ə pu ɉu káá kpɛlimąn, káá, ká Nąmu kaa yələkɔlɔn ɉu.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Timote dɔlɔɔ 4:11

Yili ɓə mąąnɛ̨ɛ̨ ə́ nu kəlee tí la, ə́ di mąąkwɛli mą.

Timote dɔlɔɔ 5:1

'Hvó haŋąn nu pɔlɔ-pɔlɔ ɓa a nwumɛ̨ pələ, kɛlaa, pələ ɓo mą, yɛ ə́ nąn. Nu nwunuɠaa hon bələ kɛ yɛ ə́ nąn nonnii.

Taitɔ 2:1

Yii ɓaa ə́ wɛi, nuą mąąkwɛli, ə́ bɛli laa na laa hu həɠəənŋąą ɓa, a ɉaŋąą.

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zûu 1:8

Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.