Timote dɔlɔɔ 6:17 - Yálá laawoo hɛɓɛ (dc)

¹⁷ Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Yálá laawoo hɛɓɛ

¹⁷ Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Bible

¹⁷ À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ ku kúnîa kɛ́ a diai.

Timote dɔlɔɔ 6:17 Iomraidhean Croise

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Mąątɛ̨nɛ̨ 104:28

Yá di kɔ́ la, diɛ ɲɛɠɛ, Ya ə́ yee laa ɓo, diɛ pilɛ.

Mąątɛ̨nɛ̨ 52:7

Yálá yaa kpinįi gaa pai ə́ hu kalai, a yələ kəlee mɛ̨nį. Gaa pai ə́ yalai, yɛ́ ə́ wɛan ə́ yəi bɛlɛ́n, yɛ ə́ kulɔ a ə́ nwun, yɛnɛ̨ɛ̨ nuą lɔwai.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Hanwon 11:28

Nui a gilitɔɔ hɛn gɔw nąmu ɓa, a too. Kɛlaa, tələnmomun a ɓuwuɓo, yɛ yá kwɛlɛ wulu.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 49:4

Ə́ kɛ mɛ̨nį heeni yee lɔwai, ə́ kaa ə́ kpɔɔ ɲąą kɛnɛ̨i yili hu, lə mɛ̨nį ɓa? Ə́ wɔ lɔi kaa a lɔi lɛlɛɛ, yɛ́i ɓaa halakpɛla, liihɛlɛn və yɛ́. Yɛ́i ə́ kilitɔɔi ə́ wɔ hɛn gɔwɠaa diɛ, yɛ́ kɛ diɛ: «Gbɛɛ ɓə a kɔ́ pɛlɛ mą́ą́?»

Izikiɛ 16:56

Kɛlɛi ə́ kɛi ə́ laa pu ə́ ləɠə Sodomə hu, ɓɛlɔwai ə́ kɛi ə́ wɔ ɓələn kulɔ la,

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 19:23

Jesus ə mo nwɔ kalan nɛai diɛ yɛ diɛ: «Gáá moi kaa a tɛ̨ą, hɛn gɔw nąmu lɔ laa walaai Yálá-taa tɔɔlaa hu.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Maafîu 27:57

Yələ wulii pɔ, nu ta ə pa, ə ɓo a hɛn gow nąmu, Arimate mun ni kɛ; diɛ kɛ naa ɓaa a Ɉosɛfə, yaa kpinįi ə kɛ a Jesus pɔ kalan non da.

Maafîu 6:32

Nuąi di hvo Yálá kɔ́lɔn, diɛ ɓə mąąnɛ̨ɛ̨ di yiliɠaai niihɛlɛn ɉee. Ka Ną́n gaa yələi, ə ka kpaan mɛ̨nį kəlee kɔ́lɔn.

Markə 10:24

Nwoo tii ə galan nɛai kwəi pili diɛ. Kɛlaa, Jesus ə pənə ə mo diɛ, yɛ diɛ: «Nónni, gɛ laa walai nu ə lɔ Yálá-taa tɔɔlaa hu.

Lukə 19:2

Hulɔnu ta ə kɛ laa diɛ kɛ naa ɓa Zase, nįįhɔ̨nwɔ̨ kulɔ nuą nwun nąmu li kɛ, yɛ ɓo a hɛn gɔw nąmu kɛnɛ̨.

Lukə 3:11

Ə di woo pulu pənə yɛ diɛ: «Nui həɠə hveelɛ kaa ɲei, ə dɔ̨nɔ̨ tɛɛ nui da hvo ɲei bɔ; nui kɔ̨nɔ̨n gaa ɲei, ə mɛlaa kɔ́.»

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Lomaŋ 11:20

Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Dutɛrɔnome 33:15

yɛ tɔwɔ-tɔwɔ hɛnŋąą nɛlɛɛɠaa hɔlɔɓo ɲeeɠaa da ɲee kpu kpuɠaa diɛ. Nwɔ lɔi a kɛ lɔ yələ kəlee a lɔi lɛlɛɛ.

Dutɛrɔnome 8:17

Ka hvə tɔɔ kaa kɛ diɛ: «Ku wɔ huwalawalalaa ɓə gɛ kuɔ ɉɛn gɔw ŋɛ̨i hɔlɔɓo.»

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Taitɔ 3:6

Gilii tii ɓə ə ɲɛɛ gu mɛ̨i kpɔ a ɉu kɛnɛ̨, gu Nwun mąąɓomun Jesus Kristə háálai.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.