Timote dɔlɔɔ 5:8 - Yálá laawoo hɛɓɛ (dc)

⁸ Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

Yálá laawoo hɛɓɛ

⁸ Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

Bible

⁸ Ǹúui va kpɔŋ-ma tɛ̀ɛ ŋɔnûai pɔi, é tela kɛ́ a ŋɔnuu-suui suu-ƃelai, gɛ̀ ní maa-nuui ti a ǹaa-lai maa-sia too, ǹyaŋ maa-nuui káa a ǹúui ǹyɔ́mɔɔ é tɛ́ɛ máŋ ǹúui ma laa-la fé ǹyêei.

Timote dɔlɔɔ 5:8 Iomraidhean Croise

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Maafîu 18:17

Akɛ a wala nwəli tɔɔ nuą tii woo ɓa, doo Yálá nwɔ nu kpului ɓa. Akɛ a wala nwəli tɔɔ di woo ɓa, yá gwɛdɛn yɛ nui hvo Yálá kɔ́lɔn, a wala kɛ tii, yɛ nįįhɔ̨nwɔ̨ kulɔ mun.»

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Korɛntə dɔlɔɔ 6:6

Kɛlaa, mɛ̨nį ta a kɛ nąn nonnii hveelɛ lɔwai, yili ɓo mɛ̨nį ɓa lə yɛnɛ̨ɛ̨ nuą ɲɛ̨i ɓa?

Korɛntə veelɛ 12:14

Ŋą́ą́ gbɔ́wɔ́ pɛli yiihu, bá mɛ̨nį ɓa ká pɔɔli, a ɉaaɓanąn, ɛlɛɛ, və́ pai kɛi ka nwuɔ̨ a tiɛ̨. Mąąhɔlɔɓo, ká yəi hɛn vəi gáá gwɛlii, kɛlaa ká kpinį lee ɓə gáá bɔ. Lɛapɛlɛɛ hvəə da hɛnŋąa laaikɛ di kaa nuą mąą mɛ̨nį ɓa; kɛlaa, lon gaa nuą ɓə da di lonnii tɔwɔ hee.

Korɛntə veelɛ 6:15

Woo laa mąą lə kɛɛ ɓə a pɛli kɛi Kristə da ɓilihi di lɔwai? Nɛ̨ɛ̨laa huwu lə kɛɛ ɓə a pɛli kɛi laa namun da nui hvo a laa namun di lɔwai?

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Timote veelɛ 3:5

di ɲɛ̨ilai kaa pai kɛi yɛ Yálá kɔ́lɔn nuą, kɛlaa diɛ lənə laa na laa hvaŋą ɓa. Nu taaləɠaa tii diɛ kpɛlimąn, ə́ mąą kwɛa diɛ!

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.