Timote dɔlɔɔ 5:6 - Yálá laawoo hɛɓɛ (dc)

⁶ Kɛlaa galanin a gbɔwɔ lɔ yɛnɛ̨ɛ̨ liiɓa hu, ə mą kɛ, gaa yɛnɛ̨ɛ̨, ɉaai.

Yálá laawoo hɛɓɛ

⁶ Kɛlaa galanin a gbɔwɔ lɔ yɛnɛ̨ɛ̨ liiɓa hu, ə mą kɛ, gaa yɛnɛ̨ɛ̨, ɉaai.

Bible

⁶ kɛ́lɛ, pɔɔ-nɛnii nyíi bîlaŋɔɔi nɔ́ gbîŋ líi láa mɛni pôlui, zaâi berei máŋ gáa la ɣele mai.

Timote dɔlɔɔ 5:6 Iomraidhean Croise

Zɛnɛse 2:17

Kɛlaa, yii ɓaa mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwului ŋɛ̨i nwɛi, hvó má ta mį́i, mąąhɔlɔɓo, hvólói yá má ta mį́i la, yá haa.»

Hanwon 29:21

Nui a ɲee pɔ mun gala a nokolo yələ, a mąą nu kɛ a hviɲɛ̨mun.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 6:2

Yɛ́ Siɔn taa, Nɛ̨ɛ̨nu lɛlɛɛ gɔmɛ̨i, daa gɛ, ə́ mɛ̨i aa haa tón-tón.

Woolaa 4:5

Nuąi kɛi kɔ̨nɔ̨n nɛ̨ɛ̨-nɛ̨ɛ̨ mįi, diɛ ka pulu wɔlɔ ɓoi gwəliɠaa pɔ. Nuąi di muhəɠə yeelahvóloon bɛlɛ́ mu, diɛ ka kɔ̨nɔ̨n gwɛlii túlún ŋą.

Maafîu 8:22

Jesus ə nwoo ŋąąpənə yɛ mą: «Haa nuą lɛɛ laa di di kee loo. Ə́ wɛi, hvilɛn búlú.»

Lukə 12:19

Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Lukə 15:13

Ɉu hvo kpɛli kwɛa, nokolo laa mun ə nwɔ hɛnŋąa həɠə ə nɔwɔtɔɔ, ə li a wali toonwuma hu. Ə lɛɛ laa, ə ɉɛn gɔwi tii kəlee hu kala.

Lukə 15:24

Hvó gaai, nón ŋɛ̨i, aa kɛ haa, aa pənə aa nwun; nwun na aa kɛ pili, ŋą́ą́ pənə ŋą́ą́ gaa. Diɛ kɛa mąą kwəinɛ̨ɛ̨ kulɔ.›

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Lukə 7:25

Akɛti, ka li kani, lə ɓə ka gaa? Nu mąą yiliɛ a həɠə lɛlɛɛ ɓə ka gaa? Yaan, nuąi tɔɔ həɠə kaa di kwąną, diɛ ɓo di ŋąąnɛɛ hu, di kaa tɔɔ pɛlɛ́ɠaa mu.

Ifisiɛŋ 2:1

Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Ifisiɛŋ 2:5

ɓɛlɔwai gu kɛ la a haa nuą a gu wɔ nɛ̨ŋɛ̨nŋaa la pɔɔ, ə yɛnɛ̨ɛ̨ tɛɛ gu pɔ, gwa Kristə ni, ká ɓalo lɔ a mɛ̨inɛ̨ɛ̨ kpɛli-kpɛli,

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Dutɛrɔnome 28:54

Nui gaa ka lɔwai, yɛ ɲɔw Yálá ɓa, yɛ mɛ̨nį ɲɔ̨n mąą laa, gaa pai kɛi nąn nonnii, da naa búlu nɛ̨ɛ̨nu da nonnii yiiɠaa daa lɛɛ di kaai gɔwɔyɔɔ.

Dutɛrɔnome 28:56

Nɛ̨ɛ̨nui gaa ka lɔwai yɛ ɲɔw Yálá ɓa, yɛ mɛ̨nį ɲɔ̨n mąą laa, nə́ŋə pələ hva hvaa mą hvo gɔwɔ hvilɛn lɔi ɓa; gaa pai ɲɛ̨i ɲɔ̨nwɔ̨ɔ̨ heei naa bulu hilɛ ɓa, ə mą kɛ, gaa gwəi lonnii diɛ.

Kolosə 2:13

Ɛlɛɛ, káái tɔlɔɔ ká haa kɛ, a ká wɔɔ túwɔ́ pələ ɲɔ̨nŋaa da ká wɔɔ kɛ́nɛ̨-kpolaa laa laa pɔɔ, Yálá aa yɛnɛ̨ɛ̨ tɛɛ ká pɔ, ká Kristə ni: Aa gu wɔɔ túwɔ́ pələ ɲɔ̨nŋaa mąąhvaalɛɛ,

Timote veelɛ 3:6

Daɠaa kaa di lɔwai, da lɔ bɛlɛ́ɠaa mu, nɛ̨ąąɠaai hvaŋą hvo di yəi, diɛ di hon a di wɔɔ túmɔ̨i, a nɛ̨ąą tii di wɔ nɛ̨ŋɛ̨n diɲɛ heɛ ni di nwuɔ̨, diɛ ɓo la ni di liiɓa mɛ̨nįi lɔpee gəlee pulu,

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

Samuɛlə dɔlɔɔ 15:32

Samuɛlə yɛ mą: «Ka Amalɛkə tɔɔmun Agagə hon, ka paa la bɔ́.» Agagə kɛɛ pai, gwəinɛ̨ɛ̨i kɛ, ə kɛ nwɔ kwəi baa mɛ̨nį aa ɉəɠə mą.

Samuɛlə dɔlɔɔ 25:6

kaa mą: ‹Gwəlan ŋɛ̨i pai ə nɛɛ yɛ́, yɛ bələi ɲɔɔ kwɛlan mu nwɛi aa kɛ la. Liilaa ə kɛ ə́ pɔ, liilaa ə kɛ ə́ wɔɔ pɛlɛ́i mɛ̨i; liilaa ə kɛ ə́ yəi hɛn gəlee mɛ̨i.