Timote dɔlɔɔ 5:17 - Yálá laawoo hɛɓɛ (dc)

¹⁷ Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Yálá laawoo hɛɓɛ

¹⁷ Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Bible

¹⁷ Ǹúu-pɔlɔ-ŋai nyíi-ŋai díkaa a nuu-tuɛ-ƃela lɛ́lɛɛ-ŋai, maa nɛɛ̂i a gɛ́ɛ ƃaa kɛ́-maa támaa e li dípɔ, e tela kɛ́ kpɔ́ a diai dítii ƃa Ɣâla-woo-ƃoɔ da sɛŋ-lɛɛi;

Timote dɔlɔɔ 5:17 Iomraidhean Croise

Tɔɔɓɛlaa veelɛ 2:9

Yii kɛa di ɲá teen, Eli yɛ Elise ɓa: «Yii ə́ kaa bɔ ŋį́ gɛ yɛ́, vɛli mą́ą́, ŋį́ dɛɛ ə́ pɔ, gɛɛ və́ kɛ pai tɛi yələi, mąą yɛ kwɛa yɛ́?» Elise yɛ Eli ɓa: «Gilii tii ə́ yəi, yɛ́ Yálá mąą mɛ̨nį kɛ la, ɉeei hveelɛ ɓə gáá bɔ ə́ dɛɛ bɔ́.»

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Lonon mo 18:31

ka ka yəi bɛlɛ́n nuą ka mįi ɓɛi lɔpee, mąąhɔlɔɓo gee kaa kələ mąą kólóɠaai ka gɛ, mąą hvɛla li.

Maafîu 24:25

Ka ka wəli tɔɔ a nəlɛɛ, ŋą́ą́ mɛ̨nįɠaai ŋɛ̨i ɓo kaa nąąlɔwai tɔwɔ.

Lukə 10:7

Ka lɛɛ mąą pɛlɛi tii mu, kɔ̨nɔ̨n nɔpee da tɛɛ ka pɔ, ka mį́į́; kpələ-yai lɔpee da dɛɛ ka pɔ, ka gbələ. Mąąhɔlɔɓo, koló kɛmun mąąnɛ̨ɛ̨ ə gɔ̨nɔ̨n ɉɔlɔɓo. Pɛlɛi ka lɔ mu, ka hvo kulɔ laa, kaa hvo lɔ dakpɛli mu.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Ɉaan 4:38

Ŋą́ ka tɔɔ kaa li mɔ̨nun deei ɓɛi ka hvo kɛɛhín ni laa. Nu takpɛliɠaa kɛ kólo ɓə, ka dɔ̨nɔ̨ hɔlɔɓo.»

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Gɛlaɠaa 28:10

Di ku mąąwiɛ a ɉuwu tamąą. Ɛlɛɛ, ɓɛlɔwai ku tɛ la gələn ɉu, hɛn kpɔ kɛ mąą kpaan ə kɛ ku yəi, di dɛɛ ku pɔ.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Lomaŋ 15:27

Diɛ kpinįi kpɔ ɓə di kiliŋąhiɛ ti, a tɛ̨ą, ɛlɛɛ, hvo kɛli kɛ di gɛ tii, gbala ə tɔɔ, yii, huwu takpɛliɠaa di Ɉuifəɠaa di wɔɔ Yálá lon naa ta hɔlɔɓo, mąąnɛ̨ɛ̨ yiliɠaa diɛn di di wɔɔ hɔlɔɓo di kanąn mɛ̨nį hu.

Lomaŋ 16:12

Ŋą́, Trifɛnə da Trifosə diɛi tíi gu Ną́mu ɓa, ŋį́ di tuwɔɓo. Ŋą́, Pɛrsisə yai tíi gu Nąmu ɓa kpɔ kɛnɛ̨ dúwɔ́ɓo.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Dutɛrɔnome 18:8

Da Levi yiiɠaa tii ə di kaa laa, di kɔ̨nɔ̨n a kɛ a bɛliɛ a gee. Kɛlaa, ɉɛnŋąą nui tii ə nɔwɔtɔɔ a nąn bulu hɛn, yili laa kulaa ɉu.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Filipə 2:29

Yili ɓa a pa, ka naa kwiɛn a kwəinɛ̨ɛ̨ kɛnɛ̨ɛ̨ gu Ną́mu laa hu, ka gɔlɔn kaa diɛ nu ɲɔ̨nwɔ̨mąnŋaai ti ɓə, mąąnɛ̨ɛ̨ ka di mąąwiɛ.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Timote dɔlɔɔ 3:5

Nui hva pɛli gbɔwɔ pɛlɛ́ ɲąąwooɓoi, a pɛli kani Yálá ŋą kpɔn ɲąąkɔn ɉii ləi?

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote dɔlɔɔ 5:19

Da nu pɔlɔ ta kalamąɓo yɛ́, hvó humo a ə́ haŋąą mą, akɛ kɛla hveelɛ ɉaaɓa woo hvəə.

Timote dɔlɔɔ 5:3

Galanin gaa kpɔ a galanin neelee, 'mąąwiɛ.

Timote veelɛ 2:6

Tíi kɛmun vaŋąlɔɔ, a gbɛa gɛ kóló dɔlɔ mįi.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Hebreu 13:24

Nuąi da kɛ tɔɔi gbɔn ɲɛ̨i tɔwɔ, 'ká di kəlee di túwɔ́ɓo, ə pɛlɛ la Kristalɛa kəlee diɛ. Gu nąn nonnii di kaa a Itali, diɛ ká túwɔ́ɓo.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.