Timote dɔlɔɔ 4:8 - Yálá laawoo hɛɓɛ (dc)

⁸ Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Yálá laawoo hɛɓɛ

⁸ Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Bible

⁸ kpɛ́ni fêi, berei núu kpono mɛi-kaa lɛ́lɛɛ̂i lai, bere nɔ́ ƃe Ɣâla-mɛni lɛ́lɛɛ̂i la pere-sii kélee su máŋ, kpɛ́ni fêi, a kono-tèe kɛ̀ vulu-laai ŋí mɛni ma da vulu-laai pâi pâi máŋ.

Timote dɔlɔɔ 4:8 Iomraidhean Croise

Zôo 22:2

Yálá a mɔ̨ɔ̨ nu huwalawalaa kwɛli, yɛ mąą kanąn dee la? Akɛ a mɛ̨nį kɔ́lɔn mun, gbɔwɔ mąą liihɛlɛn nɔ ɓə a ɉee.

Zôo 36:11

Da hvaa mą da lɛɛ nwoo mu, da di yii hvóló kəlee kɛ nwun na nɛ̨ɛ̨ hu diɛ di wɔ kwɛlan gəlee kɛ a ɲąą nɛɛ.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 37:11

Kɛlaa, nɔi a lɛɛ a liilaa nuą di wɔɔ; liilaa a kɛ di yəi, di wəli pulu laɠiɛ.

Mąątɛ̨nɛ̨ 37:29

Tələnmo nuą kaa pai lɔi hɔlɔɓoi, diɛ hee ɉu a yələ kəlee mɛ̨nį.

Mąątɛ̨nɛ̨ 37:9

Mąąhɔlɔɓo, di kaa pai mɛ̨nį ɲɔ̨n gɛ nuą kulɔi a di nwun, Kɛlaa nuąi di kilitɔɔ Yai-Laa ɓa, nɔi kaa pai lɛɛi a di wɔɔ.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Hanwon 19:23

Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Markə 10:30

mąą nui tii a yili ɲɔ̨nwɔ̨mą nwun dɔ̨nɔ̨ hɔlɔɓo, ɓɛlɔwai gu kaa la ɲɛnɛ̨ɛ̨ ŋɛ̨i hu. A pɛlɛ́ɠaa hɔlɔɓo, ə nąn nonnii hɔlɔɓo, a neeni, ə mą kɛ nonnii, da nwɔ tii kɛ lɔiɠaa hɔlɔɓo bɛlɛɛ ɓɛlɛkpɛɛ mąą ɓa. Yili pulu, a yɛnɛ̨ɛ̨ kpɛɛ hvo mą hɔlɔɓo Yálá-taa tɔɔlaa hu.

Lukə 5:38

Kɛlaa, mąąnɛ̨ɛ̨, nu ə lɔɔ nįnɛ̨ pu hvólówo nįnɛ̨ hu.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Korɛntə dɔlɔɔ 8:8

Yaan kɔ̨nɔ̨n və a gu mąą lɛɠɛ Yálá ɓa, gu mįi-o, gu hvo mįi-o, hva gu lɛɛ pulu, hva gu tɛ tɔwɔ.

Timote dɔlɔɔ 4:7

Yii hvilɛn na nɛɛ pɔlɔ kiliinŋąaɠaa tii diɛ, yai nɛ̨ɛ̨goloɠaa lɔ ɓə da ɉee gee lai, 'ə́ wəli kulɔ yiliɠaa kəlee hu. 'Ə́ kpɔwɔ ɲąątɔɔ a Yálá mɛ̨nį.

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Timote dɔlɔɔ 6:6

A tɛ̨ą, Yálá mɛ̨nį, dɔlɔ kɛnɛ̨i kpɔ a neelee, a gɛ nu ə gwəinɛ̨ɛ̨ a ɉɛn gaa ɲəi.

Timote veelɛ 3:5

di ɲɛ̨ilai kaa pai kɛi yɛ Yálá kɔ́lɔn nuą, kɛlaa diɛ lənə laa na laa hvaŋą ɓa. Nu taaləɠaa tii diɛ kpɛlimąn, ə́ mąą kwɛa diɛ!

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.