Timote dɔlɔɔ 4:1 - Yálá laawoo hɛɓɛ (dc)

¹ Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Yálá laawoo hɛɓɛ

¹ Yálá-Nįį a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Bible

¹ Mɔ̂leŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ-mɔleŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

Timote dɔlɔɔ 4:1 Iomraidhean Croise

Zɛnɛse 3:13

Nąąlɔwai, Yai-Laa ə mo nɛ̨ɛ̨nu ɓa, yɛ mą: «Nɛ̨ɛ̨nu! Lə mɛ̨nį ɓa ə́ yili kɛ tii?» Nɛ̨ɛ̨nu yɛ mą: «Kaalə ɓə mówo, ya ɓə gɛ, gɛ́ da mį́i.»

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Ɉeremi 23:26

Di kaa pai lɛɛi yili hu, ɛlɛɛ la ɉu mįnɛ̨ lɔwai? Nuą tii di kpɔɔ kɛi a Yálá kwəi mɛ̨nį hukulɔ nuą, diɛ lɛɛ kɛ, akɛti hɛn da kaa mɔ̨ɔ̨ di nwun ɉu? Diɛi da mɛ̨nį kulɔ di nwun ɉu diɛ mo a lɛɛ.

Ɉeremi 48:47

Kɛlaa, ɲɛnɛ̨ɛ̨ tɔwɔ pələ, gáá pai Moabə tɔɔi Ɲą́ą́ Yai-Laa nwóó li! Moabə nwɔ kiti kpɛlai ka.

Ɉeremi 49:39

«Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Izikiɛ 1:3

Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Lukə 17:1

Jesus ə mo nwɔ kalan nɛai diɛ, yɛ diɛ: «Nuą too mɛ̨nį nɛ̨ŋɛ̨n ɉu, yili hva ɉəɠə mą; kɛlaa, nui a mɛlan doo nɛ̨ŋɛ̨n ɉu, nɛ̨ŋɛ̨n naa ɓə.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

Gɛlaɠaa 28:25

Di kɛɛ pai taɠai, di woo hvo ni kɛ laa li mą, ya ɓə Polə ə nwoo kpuɔi ŋɛ̨i ɓo diɛ, yɛ diɛ: «Tɛ̨ą ə kɛ Kili-Mąąhəɠɛɛ pɔ, ɓɛlɔwai ə kɛli mo la ka nąnni diɛ, gwəi mɛ̨nį hukulɔ mun Esai laaləi,

Korɛntə dɔlɔɔ 10:20

Kpaa-o! Kɛlaa yɛ bələi da ɉaláá kulɔ la ɲįnɛ̨ŋaa diɛ, di hva gulɔ Yálá ɓa, və́ bɔ ká ɲįnɛ̨nŋaa ká hvo ká yee lɔ gii hu.

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Korɛntə dɔlɔɔ 12:11

Kɛlaa, mɛ̨nįɠaa tii kəlee, Kili tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Korɛntə dɔlɔɔ 2:10

Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Dutɛrɔnome 4:30

Ɓɛlɔwai ka káá pai kɛi la mɔ̨nɔ̨ hu, mɛ̨nįɠaa ŋɛ̨i diɛ laa kaa ka wɔ yɛnɛ̨ɛ̨ tɔwɔ pələ, ka káá pai pənəi ka pa Yai-Laa ka wɔ Yálái pɔ, kaa ka wəli tɔɔ nwoo ɓa.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Timote veelɛ 4:4

Di kaa pai di wəli kulɔi tɛ̨ą woo hu, diɛ di wələ tɔɔ lɛɛ mɛ̨nįɠaa diɛ.

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

M̀ɛni-lɛɛi 18:2

Ə tomą kpɔ a nwoo kɛnɛ̨, yɛ kɛ mą: «Aa too, aa too, Babilonə kɛnɛ̨i aa too; aa lɛɛ kɛa a ɲįnɛ̨nŋaa heei, aa lɛɛ a ɲinɛ̨n ɉuwui lɔpee gəlee heei, a nwɛ̨nį kɔ́hɔɓoɔɠaa, diɛi di wɛlikpɛɛ nu kanŋaa diɛ, di heei.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.

M̀ɛni-lɛɛi 3:13

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:6

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.