Timote dɔlɔɔ 3:15 - Yálá laawoo hɛɓɛ (dc)

¹⁵ Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Yálá laawoo hɛɓɛ

¹⁵ Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Bible

¹⁵ à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Timote dɔlɔɔ 3:15 Iomraidhean Croise

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Mąątɛ̨nɛ̨ 42:2

Bələi Lomą kwąną kpalaa a yá kwɛli la, bələ ɓə gáá ə́ kwɛlii la, Ną́mu Yálá.

Mąątɛ̨nɛ̨ 84:2

Yai-Laa Mɛ̨nį Kəlee ŋą Hééɓomun, ə́ wɔ pɛlɛ́ɠaai wɛli kaa nuą diɛ kɛnɛ̨!

Ɉeremi 1:18

Nwɛ́i, gáá ə́ kɛi háákələi a taa walawala, a kwɛli hɔlɔɔn, ŋį́ ə́ kɛ a hįį yii dɔɔ a ɓala kwɛli, yɛ́ tɔɔ la nɔi nuą kəlee la, Ɉuda tɔɔɓɛlaa, da nwɔ ɲɛ̨itɔwɔ nuą, da nwɔ haláá laa həli nuą kəlee, da ɉu lonnii kəlee.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 18:18

«Gáá moi kaa a tɛ̨ą, yii lɔpee ka tɔ́n dɔɔ mą ɓɛ lɔi mɛ̨i, a kɛ tii, tɔ́n dɔɔ li mą yələkɔlɔn ɉu.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Lomaŋ 9:26

Ɛlɛɛ, ɓɛi di kɛi kulɔ laa yɛ kɛ mą: «Ká hvo a nwɔ nu huwu», di kaa pai kɛi laa diɛ: «Yálá húlúmąą lonnii.»

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Korɛntə dɔlɔɔ 3:16

Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Korɛntə veelɛ 6:7

a tɛ̨ą woo, a Yálá ŋą hvaŋą, a kɔ́-kɔ kwɛlinŋaai kwa pɛlɛmąą kɛ la, da yiiɠaai kwa tələnmolaa mąąkɔ̨nwɔ̨ la,

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Ifisiɛŋ 4:21

Akɛ kpɔ Kristə ɓə ká mąą mɛ̨nį mɛ̨n, akɛ kpɔ yaa ɓə ká mąą mɛ̨nį mąąkwɛlii, yɛ bələi gaa la a tɛ̨ą Jesus hui:

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 5:26

Nu ta aa ta mɔ̨ɔ̨ Yálá hvulú woo mɛ̨n yɛ mɛ̨nį ɓo mą nwɔ̨n ɉąąi, yɛ bələi ə gɛ la a kuɔ, ɛlɛɛ mąą nu yɛ lɛɛ a vulú?

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

Timote dɔlɔɔ 3:14

Gáá ɉɛɓɛ́i ŋɛ̨i tɛɛi yɛ́, náái na, gɛ́ gáá pai ə́ pɔɔli, ɉu hvo kwɛa li.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 3:5

Nui hva pɛli gbɔwɔ pɛlɛ́ ɲąąwooɓoi, a pɛli kani Yálá ŋą kpɔn ɲąąkɔn ɉii ləi?

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Timote veelɛ 2:20

Pɛlɛ́ kɛnɛ̨ mu hɛnɲąŋą kəlee di hvo lɔ a: hɛni da wali kwɛli, daɠaa da kɛ a wulu, da ləɠi-pɔlɔ. Da daɠaa kɛ a di yee huɓo hɛnɲąŋą walawala, daɠaa di ɓo a hvįikpɛɛ kóló kɛ hɛn.

Hebreu 10:21

Haláá laa həli mun gɛnɛ̨ɛ̨ kaa ka gu yəi, yai heeni Yálá nwɔ pɛlɛ́i nwun na.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?

M̀ɛni-lɛɛi 7:2

Ɛlɛɛ, ŋą́ malaka takpɛli kaa yɛ kulɔ hvóló həɠəi pələ. Yálá húlumąą ŋą kɔ́lɔn ɉɛn yɛ ɓo ɲəi. Ə tomą kpɔ a nwoo kɛnɛ̨; malaka nąąn tii di hvaŋą tɛɛ di pɔ, diɛ mɛ̨nį laa lɔi da gboloyá diɛ, yɛ mą:

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.