Timote dɔlɔɔ 1:18 - Yálá laawoo hɛɓɛ (dc)

¹⁸ Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Yálá laawoo hɛɓɛ

¹⁸ Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Bible

¹⁸ Ŋa nyíŋi ƃôi yâ, ńoŋ Temete, yɛ̂ɛ berei mɛnii káa la nyíi Ɣâla ŋɔlóno-kɛ́-ƃelai dí mo e pîlaŋ yâi, a gɛ́ɛ dí íkɛ í namu lɛ́lɛɛ kɔ.

Timote dɔlɔɔ 1:18 Iomraidhean Croise

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Korɛntə dɔlɔɔ 4:17

Yili ɓə kpɔ gɛ, ŋą́ nwɛ́likɛmąą lon Timote tɔɔ, yai vąŋąlɔɔ gu Nąmu mąą mɛ̨nį hu. Bələi ŋą́ nwɔ́ yɛnɛ̨ɛ̨ kɛ la Kristə yee kɔnma, gaa pai nąą kili tooi ká ɲą, a bələi ti ŋą́ hiɛ la, gbɔn gəlee ɲɛ̨i ɓa.

Korɛntə dɔlɔɔ 9:7

Gbɛɛ ɓə da ɉon, gɔ̨nɔ̨n ə ɓo gbɔwɔ nwuɔ̨? Gbɛɛ ɓə a tíi kɛ, hva má ta mįi? Gbɛɛ ɓə a taatɛlɛɛ tɔɔ, hva ɲįnįyá kɛ a gɔ̨nɔ̨n?

Filipə 2:22

Bələi Timote a kulɔ la nwoo ɓa, kaa kpinįi ka gɔlɔn. Da pələi kwa yaa kwa kólo kɛ la, ya ɓə bɔ́ yɛ nón, gɛ́ ɓo yɛ nąn, kuɔ nwɛlɛɛ lɛlɛɛ mąąkɔ̨nwɔ̨.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 4:4

Mąąhɔlɔɓo, hɛn kpɔ Yálá ə bɛli, gəlee lɛlɛɛi, da laa hvo kulɔ li ɉu, yá kɛli mįi, yɛ́ Yálá mąmąɓo.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote veelɛ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai a nwɛ́li kɛ mąą lon. Nɛ̨ɛ̨laa, ɲɛ̨imąąwɛli kaa, da liilaa, ə́ ɉɔlɔɓo gu Nąn Yáláda gu Ną́mu Jesus Kristə di yəi.

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Filemɔn 1:10

Onesimə aa kɛ kɛa a nón ɓɛ gaho pɛlɛ́ mu, ya ɓə gáá mąą mɛ̨nį hu hvɛlii yɛ́;