Tɛsalonikə dɔlɔɔ 5:9 - Yálá laawoo hɛɓɛ (dc)

⁹ Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai;

Yálá laawoo hɛɓɛ

⁹ Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai;

Bible

⁹ Kpɛ́ni fêi, Ɣâla fe niî gbɛtɛ ni kúmɛni ma a gɛ́ɛ kulii-ŋwana sɔlɔ ƃo, kɛ́lɛ, a gbɛtɛ kúmɛni ma a gɛ́ɛ ku ƃalo-laa sɔlɔ ƃó Kúnuu-namui Zîsɛ Kôrai sârai,

Tɛsalonikə dɔlɔɔ 5:9 Iomraidhean Croise

Zôo 23:14

Yili ɓa tii, gɛɛ lɔ pai nwəli tɔɔi nwóó ɓa ɓəi?

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Gɛlaɠaa 1:20

Yaan, mɛ̨nįi bɛ̨ɛ̨ Yálá mąątɛnɛ̨ wələ hɛɓɛ́ hu, ya ka, diɛ mą: «‹'Nwɔɔ pɛlɛ́i ə lɛɛ aa gboloon, nu hvo lɔ mu.› «Bɛ̨ɛ̨ nwɔ̨nɔ̨ ɉɛɓɛ́i ti naa ta yɛ mą: «‹Nu takpɛli ə tɔɔ dɔɔi.›

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.

Lomaŋ 11:30

Ká wɔlɔ kulɔ Yálá woo mu; yiihu kɛa, diɛ kpɛlimąn di wɔɔ kulɔ nwoo mu laa aa gɛ, Yálá aa ká ɲɛ̨imąąwɛli kaa.

Lomaŋ 11:7

Gwa pɛli kɛi lə? Mɛ̨nį Israɛlə lonnii di kɛi gwɛli, di hvo ɉɔlɔɓo li. Kɛlaa, nuąi ə di həɠə ɉui, daa ɉɔlɔɓo. Nuą yiiɠaa ti di hvo mɛ̨nį ti kpa Yálá kaa li.

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Tɛsalonikə dɔlɔɔ 3:3

əgɛ, nu ta hu hvo pa pu mą, háákələi mɔ̨nɔ̨ɠaa ŋɛ̨i hu, gbala ə tɔɔ, ká kili kaa ɉu káá, yili ɓə naa gu tɔwɔ.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Timote dɔlɔɔ 1:16

Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Piɛrə dɔlɔɔ 2:10

a káái tɔlɔɔ ká hvo kɛ kɛli kɛ a nwɔ nu huwu, kɛlaa yiihu kɛa, káá kɛ a Yálá nwɔ nu huwu; káái ká wɔɔ nąą hvo tɔlɔɔ kɛ ɲɛ̨imąąwɛli kaa hu, kɛlaa yiihu kɛa, aa ká ɲɛ̨imąąwɛli kaa.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.