Tɛsalonikə dɔlɔɔ 5:4 - Yálá laawoo hɛɓɛ (dc)

⁴ Kɛlaa, ká wɛi ną́n nonnii, ká hvo kpinį hu, əgɛ, ɲələi tii hvo pa kulɔ ká tɛɠii yɛ nwuɔ̨mun.

Yálá laawoo hɛɓɛ

⁴ Kɛlaa, ká wɛi ną́n nonnii, ká hvo kpinį hu, əgɛ, ɲələi tii hvo pa kulɔ ká tɛɠii yɛ nwuɔ̨mun.

Bible

⁴ Kɛ́lɛ, ŋánûa, káfe kpinii, mɛni ma maa-ɣelei ti fe pâi kɛ̂i a gúlaa a káa yɛ̂ɛ ŋúma-nuu.

Tɛsalonikə dɔlɔɔ 5:4 Iomraidhean Croise

Ɉeremi 42:16

Gɔ kɔ́ ɓɔwai tii ka káá ɲɔwii mą, a ka hon nąą Eziptə lɔi hu. Bului tii mąą liihɛlɛn gaa kaai, a kanąn kaa, ə mą kɛ Eziptə lɔi hu ɓə, ɛlɛɛ, ka haa la.

Osia 10:9

Ə həɠə Givea nwɔ hvólóɠaai diɛ, ə́ yee kaa lɔ nɛ̨ŋɛ̨n ɉu, Israɛlə di hvo ta həɠə li di tɔɔi. Gɔi da bɛlɛ nɔi kala nuą diɛ, hvo pai di hɔlɔɓoi Givea?

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Dutɛrɔnome 19:6

Nui ŋɛ̨i di baa, mąą hvo nɛ̨ɛ̨li, nwɔ kwələ kulɔ mun hvo hvilɛn nu paa mun di pulu, hvo mąn bələ kwɛa mɛ̨nį ɓa, hvo baa bələ pɔ. Nui ŋɛ̨i mɛlan baa a ɲowa, yii kpɔ yaan wɛli kpɛɛ mąą laa hvo kɛ li di lɔwai a bɔlɔ, mąą hvo nɛ̨ɛ̨li di hvo baa.

Dutɛrɔnome 28:15

«Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Dutɛrɔnome 28:45

«Nɛ̨ŋɛ̨n naaɠaa tii kəlee kaa pai kɛi a gbanwoɔ kaa, vilɛn ŋąą ka pulu, ə lɛɛ ɉu ka kpɛɛ; Mąąhɔlɔɓo, ka hvo Yai-Laa ka wɔ Yálái woo hon ni, ka hvo nwɔ tɔ́nŋąą da nwɔ tíɓoɠaai kɛ li, yai ə dɛɛ ka pɔ.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Tɛsalonikə dɔlɔɔ 5:2

káá kpinįi ká gbaɠala gɔlɔn kpɔ hələ-tətə káá, gu Nąmu ŋą hvólói, gaa pai ɉəlii lɔ yɛ nwuɔ̨mun a pa a kpinį.

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Zɔ̂ŋ Maa-ŋuŋ 2:8

Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.

M̀ɛni-lɛɛi 16:15

'Ə́ ɲɛ̨i hee tai, gáá pai yɛ nwuɔ̨mun. Nwun na nɛ̨ɛ̨mun maa, nui a lɛɛ a ɲɛ̨i, ɛlɛɛ, ə nwɔɔ həɠəi laa hɔnmo, əgɛ, hvo pa nəi lɛɛ a gbuwulu, nwumɛ̨ yɛ tɛ la.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.