Tɛsalonikə dɔlɔɔ 4:9 - Yálá laawoo hɛɓɛ (dc)

⁹ Yii hvilɛn na lee-lon naa wɛlikɛmąą ɓai, ku mą wala mąą mɛ̨nį ta ɓo káá; hvó gaai, ká keeni wɛli la kɛ mɛ̨nį, káá kpinįi káá yili mąąkwɛli Yálá yəi,

Yálá laawoo hɛɓɛ

⁹ Yii hvilɛn na lee-lon naa wɛlikɛmąą ɓai, ku mą wala mąą mɛ̨nį ta ɓo káá; hvó gaai, ká keeni wɛli la kɛ mɛ̨nį, káá kpinįi káá yili mąąkwɛli Yálá yəi,

Bible

⁹ Kɛ́lɛ, é pîlaŋ la wɛli-kɛ-maa ma káƃarâai mɛni ma, ve a sɛŋ a gɛ́ɛ núu e kɔlɔ pɔ̃yɛ kâa, kpɛ́ni fêi, Ɣâla a kákîe-ni wɛ́li-pere lɛ́ káa kpîŋ kâa;

Tɛsalonikə dɔlɔɔ 4:9 Iomraidhean Croise

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Maafîu 22:39

Yii nwɔ̨nɔ̨ nɛɠɛɛ gwɛlɛ, ya ɓaa: ‹Ə́ nuą wɛli la kɛ, yɛ ə́ kpinįi.›

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Korɛntə veelɛ 9:1

Yii hvilɛn na kalan nɛai mąąkpɔnmąąɓo mɛ̨nį ɓa, ə mą kɛ kɛa və́ yili ta pɛ̨ɛ̨ li, və́ dɛɛ káá.

Filipə 3:15

Guɔ yiiɠaai kɛa gwaa gu kpɛlaan ɉee Yálá kɔ́lɔn mɛ̨nį hu, mąąnɛ̨ɛ̨ gu túwɔ́ pələ ə kɛ tii. Akɛ mɛ̨nį taɠaa hu, ká wɔɔ kiliŋąhiɛ kaa a dakpɛli, Yálá kaa lɔ pai ká kilaa ponoi yili hu.

Tɛsalonikə dɔlɔɔ 5:1

Yii hvilɛn na ɲələ da nąąlɔwai ɓa, ną́n nonnii, ká wɛi, ə mą kɛ di hvo bɛ̨ɛ̨ li di hvo dɛɛ káá;

Hebreu 10:16

«Mįnɛ̨i pai kɛi kwa diɛni ku yilii a mąą yələɠaa tii, ya ka: Ŋą́ kɛli pa ŋą́ tɔnŋaai tɔɔi, di lii hu, da di wɔɔ kiliŋąhiɛ hu ɓə gáá pai bɛ̨ɛ̨i laa. Gu Nąmu ɓə mo!

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Zɔ̂ŋ Maa-ŋuŋ 2:10

Nui nąn non nwɛli kaa mą, gaa kɛɛ pono hu, ɛlɛɛ, hɔn da hvo mą, yɛ pɛli dooi.

Zɔ̂ŋ Maa-ŋuŋ 3:11

Mąąhɔlɔɓo, nwɛlɛɛi tii ká mɛ̨n a gɔɔ tɔɔ yələ, ya ɓaa: Gu gu keeni wɛlila kɛ.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.