Tɛsalonikə dɔlɔɔ 4:6 - Yálá laawoo hɛɓɛ (dc)

⁶ nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Yálá laawoo hɛɓɛ

⁶ nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Bible

⁶ a gɛ́ɛ núu da fe mɛni nyɔ́mɔɔ kɛ́ a m̀arâŋ-nuu, kpaa máŋ é wôya kɛ́ la mɛnii ŋí su, kpɛ́ni fêi, Kúnuu-namui kâa a mɛni-pɔɔ-teei kula-nuu mɛni-ŋai ŋí kélee su, yɛ̂ɛ berei ku dòo la kákili ŋá nâa tuɛ a gbanaŋɔɔi.

Tɛsalonikə dɔlɔɔ 4:6 Iomraidhean Croise

Mąątɛ̨nɛ̨ 140:12

Laa kalanuą di hvo pai lɛɛi nɔi, mɛ̨nį ɲɔ̨nwɔ̨ɔ̨ ə hvilɛn wɛa nuą pulu, ə lɛɛ la ɉu haa ə di həɠə.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Lɛɛ gbɔwɔ ɓa 20:15

«'Hvó nwuɔ̨ kɛ.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Hanwon 16:11

Yai-Laa hvo bɔ hvulu hvo kɛ gu wɔ hɛn gɔwɔn ŋąą hu. Ya ɓə hɛn gəlee wiɛ pələ kpaɠala kaa mą.

Hanwon 20:14

Lɔ́wɔ tiɛ̨ yamun a kɛ diɛ: ɲɔ̨nwɔ̨ɔ̨i, ɲɔ̨nwɔ̨ɔ̨i, a kɛli mąą kwɛa nąą ɓa, yɛ gbɔwɔ mąątɛ̨nɛ̨.

Hanwon 20:23

Hɛn gɔwɔn ɉɛnɲąɲąi gɛɛ hveelɛ, nwɛli hvo Yai-Laa ɓa, hɛn gɔwɔn ɉɛn a kɛ a galaa, hvo lɛlɛ li.

Hanwon 28:24

Nui a nwuɔ̨ kɛ nąn da nee diɛ, yɛ kɛ diɛ nɛ̨ŋɛ̨n vəli, da lɔi kalamun di tɔɔi kaa kpɔlɔ tanɔ̨n.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Izikiɛ 22:13

«Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Levetekɔ 19:11

«'Ka hvo nwuɔ̨ kɛ, ka hvo lɛɛ kɛ, ka hvo nu ta ɓowo.

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Levetekɔ 25:14

Ka kɛi nɔi tii ta ya, a wala kɛ tii, kaa nɔwɔtɔɔ nɔi lon da ɓa, mąą hvo nɛ̨ɛ̨li ka ta hvo gaayɔwɔ hvulu.

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Sofoni 3:1

Kpalo ɓɛlaai gulɔ nwoo mu taa ŋɛ̨i ɓa, a yaa ŋɛ̨i gɔhɔɓoɔ, yɛ nwąnąlɔɔ kulɔ!

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Markə 10:19

Ə́ Yálá nwɔ tɔ́n kɔ́lɔn. Yaai a kɛ mą: ‹Ho nu paa; hvo wɛli hon; hvo nwuɔ̨ kɛ; hvo kɛla hvaa ɲɔ̨nwɔ̨ɔ̨ ɓo a nu ta laa; hvo hɛn ɉəɠə nui lɔpee ta yəi a hvulu; ə́ nąn da ə́ lee di mąąwiɛ.›»

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Korɛntə veelɛ 7:11

Niikələn gwəi ti həɠə Yálá pɔ, mɛ̨nįi a gɛ, káá gaa! Kɛlaa, a tɛ̨ą: Aa ká pu káá gílí! Káá nɛ̨ɛ̨mąą hvə, káá ká kpɔwɔ ɓɛlɛ tooi kaa, káá ɲɔw, mą́ą́ lii too mɛ̨nį ká kwəi, ká hvaŋą yɛ lɔ! Ə kɛ a pələi lɔpee, káá kpinįi káá nɛ, káá, ká hɔn və mɛ̨nįi ti hu.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Tɛsalonikə dɔlɔɔ 2:11

Ká gili kɔlɔn, ku ká tɛitɛi ká hon yɛ bələi, lon gaamun a nonnii hon na.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Hebreu 2:6

«Lə kpɔ ɓaa a nu kan, yai, Yá ə́ kili kɛ mą? Lə ɓaa a nu lon! Yai, Yá mąą mɛ̨nį həɠə kpɔ ti a ə́ yee kəlee-o?

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.