Tɛsalonikə dɔlɔɔ 4:3 - Yálá laawoo hɛɓɛ (dc)

³ Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Yálá laawoo hɛɓɛ

³ Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Bible

³ Kpɛ́ni fêi, Ɣâla ŋɔnîa-mɛnii ká ŋí a gɛ́ɛ ka kɛ́ a maa-waa-ƃela a gɛ́ɛ ka kasu kula wulu-wulu-kɛɛ ma,

Tɛsalonikə dɔlɔɔ 4:3 Iomraidhean Croise

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.

Maafîu 12:50

Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 5:32

Kɛlaa, nwɛ́i gáá moi kaa, nui lɔpee a nɛ̨ą kpɛ, akɛ nɛ̨ą hvo kɛ li a wɛli kɛmun, a kɛ tii a vilɛn wɛli honŋąą ɓa. Nɛ̨ɛ̨nu yii daa gbɛ, nui lɔpee a ɉəɠə a nɛ̨ą, mąą nui kaa a wɛli hon mun.»

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Markə 3:35

Nui lɔpee a Yálá liiɓa kɛi, ya ɓə gaa a néé lon ɉulɔnu da néé lon nɛ̨ɛ̨nu, a wala kɛ tii néé.»

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 7:2

Kɛlaa, ə gɛ, túwɔ́ pələ ɲɔ̨n hvo kɛ, hulɔnu nɛ̨ą ə kɛ tanɔ̨n, ɛlɛɛ, nɛ̨ɛ̨nu ɉilɛ ə kɛ tanɔ̨n.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 5:19

Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Ifisiɛŋ 6:6

'ká hvo gɛ lɔ mąąhɔlɔɓo, di ɲɛ̨i kaa káá, yɛ ká kɛli ká nɛ̨ɛ̨i kwɛli nuą hu, kɛlaa, ká gɛ yɛ Kristə ŋą luwɔɠaa, diɛi da di mąą hulɔ diɛ Yálá liiɓa kɛ.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.

Tɛsalonikə dɔlɔɔ 4:4

Nu tɛitɛi ə nɛ̨ą laa hɔnmo mąąhəɠəlaa hu, da ɓɛlɛ laa;

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 10:36

Liikpələ laa kpɔ ɓə ká mąąkpaan gaa mą, káa pɛli Yálá liiɓa kɛi la, ɛlɛɛ, káá pɛli mɛ̨nį laakwɛlanmoɔ pɔ mɛ̨nį hɔlɔɓoi la.

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Zɔ̂ŋ Maa-ŋuŋ 2:17

Yaan, yɛnɛ̨ɛ̨ da ɉu mɛ̨nįɠaa kəlee di kaa pai tɛɛi, kɛlaa, Yálá liiɓa kɛmun nwɛi, gaa laa a yələ kəlee.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!