Tɛsalonikə dɔlɔɔ 4:16 - Yálá laawoo hɛɓɛ (dc)

¹⁶ Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Yálá laawoo hɛɓɛ

¹⁶ Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Bible

¹⁶ Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa-kela-ŋai dínuu kɛ́tɛi ŋɔtóli-woo da Ɣâla ŋɔtúrii-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi;

Tɛsalonikə dɔlɔɔ 4:16 Iomraidhean Croise

Mąątɛ̨nɛ̨ 47:1

Nwələ ɲɛ̨itɔwɔmun, Kore lonnii di wɔ wələ.

Mąątɛ̨nɛ̨ 47:5

Ə ku kwɛlin nɔi kulɔ ɉu a dee, niiɓamun Ɉakɔbə ɲɛ̨i pɔ̨nɔ̨ mɛ̨nį li.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Lɛɛ gbɔwɔ ɓa 20:18

Israɛlə nu huwu kəlee di ɲələgbąnąą tíŋąą tii mɛ̨n, da dulu woo, diɛ nwɔ̨n nən gaa, da nwɔ̨n nulu, yɛ kulɔ ɲee hu, di kulɔ pulu, di mąą yɛ kpɛlin.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Zakari 4:7

«Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Korɛntə dɔlɔɔ 15:18

Akɛ kani tii, nuąi haa Kristə hu laa hu, di nwun na aa pili.

Korɛntə dɔlɔɔ 15:20

Kɛlaa, kpaa-o! Hvo tii, Kristə ə nwun gbɔ haa yəi a tɛ̨ą leelee, yaa ɓə a nu dɔlɔɔ, yɛ kulɔ haa yəi.

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Tɛsalonikə dɔlɔɔ 3:11

Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Tɛsalonikə veelɛ 2:1

Yii hvilɛn na gu Nąmu Jesus Kristə ŋą yələi ɓa, da gu ɲąąkpɔn mɛ̨nį gwɛlɛ, ną́n nonnii, yii ku kaa vɛlii káá ya ka:

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.