Tɛsalonikə dɔlɔɔ 4:1 - Yálá laawoo hɛɓɛ (dc)

¹ Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Yálá laawoo hɛɓɛ

¹ Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Bible

¹ Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ka káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Tɛsalonikə dɔlɔɔ 4:1 Iomraidhean Croise

Kɔlɔnikɔ Veerɛi 17:4

Kɛlaa yaamun, ə tɔɔ a nwąnąi, ə nąnni di wɔɔ Yálá Yai-Laa liiɓa kwɛli, ə hvilɛn ŋą tɔ́nŋąąi pulu, hvo túwɔ́ yɛ bələi Israɛlə nuą di túwɔ́ la.

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Lomaŋ 8:8

Gwa lɛɛ nu liiɓa pulu, gu hva Yálá lii hon.

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 4:20

Kɛlaa ka wɛi, bələ hvə ká Kristə mąą mɛ̨nį mąąkwɛli la.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Filipə 3:14

Yili ɓa, gáá gilɛ həɠəi, ə gɛ, gu təli ŋɛ̨i Yálá aa mo yələi Jesus Kristə laa hu, ŋį́ dɔ̨nɔ̨ hɔlɔɓo.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Tɛsalonikə dɔlɔɔ 3:12

Nwɛlikɛmąąlai gaa ká yəi ká keeni mąą mɛ̨nį ɓa, gu Nąmu ə gɛ, ɉu ə kɛnɛ̨, ɉu ə ɓɔlɔ, nu takpɛliɠaa mąą mɛ̨nį ɓa, kpɔlɔɔ yɛ bələi kwaa ká wɛlila kɛ la.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.

Tɛsalonikə dɔlɔɔ 5:12

Ku kaa ɉuhvɛlii káá ną́n nonnii, kuɔ, nuąi ká lɔwai, diɛ ká mɛ̨ikaa gu Nąmu hu, diɛ tɔɔ a di nwąnąi diɛ ká tənən, 'ká mąąwiɛlaa kɛ diɛ,

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Tɛsalonikə veelɛ 2:1

Yii hvilɛn na gu Nąmu Jesus Kristə ŋą yələi ɓa, da gu ɲąąkpɔn mɛ̨nį gwɛlɛ, ną́n nonnii, yii ku kaa vɛlii káá ya ka:

Tɛsalonikə veelɛ 3:1

Yii kɛa aa lɛɛ ną́n nonnii, ya ɓaa, ká Yálá hvɛli kuɔ, ə gɛ, Yálá laa woo ə taɠa-taɠa kɛɛnąą kəlee, mąą ə wiɛ yɛ bələi gaa la ká pɔɔli,

Tɛsalonikə veelɛ 3:13

Yii ɓaa ká wɛi ną́n nonnii, ká hvįi hvo kpɛɛ mɛ̨nį lɛlɛɛ kɛi.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.