Tɛsalonikə dɔlɔɔ 3:6 - Yálá laawoo hɛɓɛ (dc)

⁶ Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Yálá laawoo hɛɓɛ

⁶ Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Bible

⁶ Kɛ́lɛ, Temete a nàa kula kápɔ naa a pá kúpɔ a tuŋ lɛ́lɛɛ kálaa-lai mɛni ma da káwɛli-kɛ-maai. A ŋɔ́nɔ m̀ó kûa a gɛ́ɛ kúmaa mɛ̂ni káa nɔ́ kákili ŋá a tãi kélee, ká kɛ́ ŋ̀wɛli ká kúkaa yɛ̂ɛ berei kwa ŋ̀wɛ̂lii la a gɛ́ɛ ku kákaâi.

Tɛsalonikə dɔlɔɔ 3:6 Iomraidhean Croise

Hanwon 25:25

Pələi yá laɠi a kwąną kpalamun níilaa la, bələ ɓə wɛlɛɛ nɛ̨ɛ̨i a həɠə kwɛa la, a gɛ la.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 18:1

Həɠəi Polə ə mo Atɛnə daai, Korɛntə daai ɓə ə li laa.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Korɛntə dɔlɔɔ 11:2

Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Korɛntə dɔlɔɔ 13:13

Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Filipə 1:8

A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Kolosə 4:18

Túwɔ́ wɛlɛɛ ŋɛ̨i, ɲą́ą́ gbínįi ɓə bɛ̨ɛ̨i a ɲéé, ɲą́ą́ Polə, gáá yɔwɔn ŋą, 'ká ká kili lɛɛ ɉú. Yálá nwɔ mɛ̨inɛ̨ɛ̨ ə kɛ ká pɔ!

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 2:17

Yii ɓaa ku wɛi, nąn nonnii, gu mąą kwɛai lɔ gu kee ɓa lɔ tíikpə, gu ɲɛ̨i hvo hee li gu kee ɓa, kɛlaa gu nąą kili kaa gu kee ɲą. Kwaa tɔɔ kpɔ a ku nwąnąi, kuɔ ku pa, ku ku ɲɛ̨i tɔɔ káá, mąąhɔlɔɓo, yili nąą wɛli kaa kuɔ kpɔ kɛnɛ̨.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Tɛsalonikə dɔlɔɔ 3:7

Yili ɓa tii, ną́n nonnii, kwaa liilaa hɔlɔɓo ká mąą mɛ̨nį hu, ku wɔɔ liihɛlɛnŋaa da ku wɔɔ mɔ̨nɔ̨ɠaa hu, ká wɔ laa na laa háálai.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Filemɔn 1:5

Mąąhɔlɔɓo, bələi yá nu mąąhəɠɛɛɠaa wɛli la kɛ la, da bələi ə́ wɔ laa na laa kaa la Ną́mu Jesus ɓa, ŋą́ą́ yiliɠaai bələ mɛ̨n.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.